">
">
مبقتش
قبل أسبوع واحد
١ مايو ٢٠١٠
من كام يوم شوفت موضوع في واحده من المدونات بتتكلم عن ان الواحد لما يروح
يخطب واحده بيطلب منها انها تقفل مدونتها
والاكونت بتاع الفيس بوك والايميل وان ده بيكون سبب لرفضه في معظم الاوقات
طيب الميل والناس الي عليه بسيطه
والفيس بوك بردو بسيطه
انما المدونات بقى فين المشكله الي فيها ؟؟؟؟
انا هتكلم دلوقت عن المدونه تحديدا والبنات الي عامله مدونات
وهتكلم عن لقاءات المدونين والنوادي الادبيه
قبل اللقاء بيومين انا جالي تعليق من واحد من المدونين
بيقول : انه مش بيحب حكايه لفاءات المدونين دي ومش بيحترم اي بنت تحضر
اللقاءات دي
قولت طيب حضرتك الف شكر واذا مش بتحترم البنات الي بتحضر اللقاءات دي فأنا منظمه اللقاء واولى انك متحترمنيش اكتر
وطبعا بيجي الرد التقليدي الطبيعي ....... لالالالا يا مروة متفهمنيش غلط انا عارف كويس انك انسانه محترمه واخلاقك ابدا مش مجال للمزايده او النقاش
طيب ويعني البنات التانيه دي !!!!!!!!!!
وضعهم ايه بالظبط ؟؟؟؟
وانا شكلي ايه عند الناس الي متعرفنيش شخصيا ؟؟؟؟؟؟؟
والي يوضح الحكايه دي اكتر لما يكون واحد واخته او واحده قريبته في المجال ده
تلاقيه طول اللقاء او الندوه بيوصيها متكلميش حد ومتوقفيش مع حد
وهو نفسه بيقف مع اي بنت ومش هقول انهم بيتكلمو في حاجه غلط لالالالالالالالا ده بيكون في نطاق تجهيزات الحفلات
ولو جيت تسأله يقولك
لالالالالالالالا دي انسانه محترمه جدا وزي اختي واحنا كنا بننظم حاجات للقاء
طيب ماهي أخت حضرتك أو قريبه حضرتك دي برضه هتكون بتتكلم في حاجات
بهدف
خلاااااااااااااصه الموضوع انا دلوقت عاوزه اعرف
احــــنـــــــــا مــــــــوقــــــــــعــــــــنــــــــــا ايــــــــــــه بـــــــالـــظـــبـط ؟؟؟؟؟؟؟؟؟
جديد على مدونتي التانيه / جدد حياتك ( هوربنا خلقنا ليه ؟؟؟)
انا جه
اول تعليق كمان شكلى كده
بصى يامروه
اهم حاجه تكون البنت حاطه لنفسها حدود ومتعديش الحدود دى
وطالما البنت شايفه نفسها بتعمل حاجه مش عيب ولا حرام يبقا هى صح
لكن حكايه ان حد بيكون بيعمل حاجه وهو شايفه صح وبيقول لاخته عكسها
فسورى يعنى ده يبقا انسان معقد
اما عن خطبها الى مش عايزه تعمل حاجه فحياتهادى يبقا عنده كميه شك كبيره ماشاء الله
المفروض يكون بيثق فيها اكتر من كده
-------------
يا اهلااااااااااااا
بنتي العزيزه مس نكد
عند حق والله يا مي
بس الواحد بيتخنق من الحاجات دي
الاخ اللى بيقول كدة مايعرفش ان التدوين سواء على البلوجر او الفيس البوك اومكتوب او او
فجر طاقات صحفية وادبية وغيره وكلها اشيا جيدة
انا بيستهيالى انى هافرح لما لاقى خطيبتى مثقفة اوتهوى مجال ما فى الادب اذا كان شعر
حقيقى موضوع ممتاز
تسلم عيونك
بس يجي ويقولي بلاش تدوين اهو في الحالة دي نو والف نو كمان
يروح لواحدة كل همها في الحياة تاكل وتشرب وتنام وخلاص اما بقى بالنسبة للولاد اللي بيناقضو نفسهم دول كتير قوي والحمدلله انا بلاقس مثلا ناس اعرفها قرايبي وكدا واخاوت اصحابي تلاقيه طول النهار واقف مع بنات طوب الارض واه لو شاف اخته حد زميلها جه سالها على حاجة يا سلام الدنيا بتتربق على دماغها
اصل هو ولد وهي بنت حاجة تقرف وتفكير يقرف
انا قصدي الدين أولا ... واعذرني علي رأي
وحشتينى
معلهش
هو فى كده نفوس مريضه
مش تاخدى فى بالك
وحشتينى ياقلبى
ابقى طمنينى عليكى
ضمير مستتر تقديره حسب الحالة نفسها
هههههههه
اه والله هتلاقى كل حد بيقولك حاجة وكل واحد حسب دماغه
اهم حاجة انتى الى تكونى عارفة موقعك بالظبط مش اى حد تانى وادام مبتعمليش حاجة غلط طز فى اى حد بقى
بطلو الهيافات دى
---------------------
حضرتك رأيك كده
بس معظم الشباب بيحبو دلوقت البنت الهاديه الي في حالها الي تكتسب معلوماتها منه هو وبس
الاخ الي بيقول كده اصلا مدون ههههههههههه
منور المدونه من جديد
----------
ههههههههههه
هو ده تناقض بس ؟؟؟؟؟
--------------
يا حبيبه قلبي المشكله مش في الاتنين الي هما من عيله واحده
انا بسأل بقى عن البنات الي هو بيقف معاهم دول
عارفه لو قال دول بنات مش محترمين ؟؟ كنا انتهينا انما ده بيؤكد انهم بيتكلمو في حدود الادب والاخلاق
----------------
من غير زعل ولا اي حاجه كلامك صح ومظبوط
بس احنا لو جينا نتكلم عن الاختلاط في حدود الحلال والحرام فالاختلاط في الدراسه او حتى على المدونات ده في حد ذاته حرام
يبقى هنا لازم ترجع تستفتي قلبك وتعاهد نفسك انك دايما تعامل اي حد بما يرضي الله
وفي حياتك عموما
دي مجرد وجهه نظر انا بتبعها علشان اقدر اساير الحياه واحافظ على ديني
-------------
انا الحمدلله بخير
نورتي
----------
ههههههههههه
صح انك لازم تعاملي ربنا وبس
لكن احنا في مجتمع شرقي
يعني رأي الي حواليكي مهم جدا
ولازم ده يكون انطباع الناس الي من بعيد
يعني مش يبقى لازم الواحد يقرب منك ويعرفك كويس علشان يعرف انك انسانه كويسه
منورة يا رورو
------------
اي تعليق بيجيلي من غير معرف بيثير جوايا هيستيريا الضحك
اولا حضرتك مؤكد واحد من المدونين لانك اكييييييييد مش اول مره تزور مدونتي
ثانيا بما انك لاتملك الشجاعه الادبيه لمناقشه رأيك يبقى انت انسان غير متزن
اخر حاجه بقى
لما هي تفاهات قصدي "هيافات" حضرتك واجع دماغك فيها ليييييييييييه ؟؟؟؟؟؟؟
اسفه مش هقولك نورت
انا جه
هييييييييييييييييييييييييه
شوفي بقى يا ابلتي مارا
من كام يوم كده انا حطيت عندي في المدونة كلمة
فاكراها؟
الجواز وسيلة ولا غاية؟
هل تستطيع تغيير مفاهيمك ولو بعد فترة ولا انت ثابت ثبات مرتب الحكومة
الجواز بالنسبة للبنت ايه؟
هو ده المهم
ده اللي على اساسه ها تحدد مين يلزمها
لو كان وسيلة لحياة متكاملة تحقق فيها اهداف كتيرة
لو كان الجواز عربة من عربات قطار النجاح وليس كل العربات
صدقيني لن ترضى بهذا الإمعة الفسل مطلقا البتة
ليه؟
لأنك في أول سنين الجواز وبكل بساطة ها تنسي الكمبيوتر
ها تنسي اهلك
ها تنسي العالم
الأسباب
حب مولع في الدرة واخد اليوم من اوله لأخره
اطفال صغنتتين عاوزين اهتمامك اربعة وعشرين ساعة اجباري
حتى الكمبيوتر ها تلاقي نفسك يا دوب بتطلعي منه مادة شغلك بالعافية
مفيش وقت
لكن وقت ما يكون عندي وقت
ويرجع هدفي زي الأول عالم افضل
تربية
نقل خبرتي للي بعدي
هنا ها توجدي الوقت لتدوين ومنتدى واي شيء مفيد
موقعك من الإعراب انتي اللي تحدديه
يا تخلي مجتمع شيزوفرينك يمشيكي
يا تخلي نفوخك - اللي مؤكد عارف الصح والغلط - يمشيكي
هنا تكمن القصة الحقيقية
لكن مثلا لما مدون يكتب تدوينة امبارح كلها متناقضات ويذكر منها بنت شافها في لقاء تدويني
فاعرفي ان معظم من ترينهم هناك ليسوا على نفس خط نفوخك
دول يجمعوا بين الشيزوفرينيا الشرقية
اشوفك في اللقاء واتجوز اللي امي تخطبها وعووووووووووومرها ما شافت الكامبيوطر ولا تعرف زر تشغيله منين ولا تعرف الألف من كوز الدرة
حددي هدفك
امشي فيه
ان جه راجل مكمل للهدف نطي في القطر معاه
ان جه راجل يسستمك
مش شرط خالص انك تسعدي معاه
وفي الأخر شوفي انتي ايه الصح وايه الغلط واعمليه من غير رأيي ولا رأي اي حد تاني
كل انسان قوي الشخصية جدا لم ترضيه امرأة على طول ايده "يعني منفذة اوامر بس" :)
ولم ترضيه أمرأة فقدت نفسها في محاولات مستميتة لإرضائه "يعني ارضي ربنا ثم نفسك وبس" :)
تحياتي
ده لو مكانش كلهم...
عايزين يفرضوا رجولتهم بمجرد الإرتباط ، أنا بس نفسي أفهم...هيا ليها عيلة مسئولة عنها لحد ما تتنيل تتجوزها...إنتا مالكش حقوق عليها لحد ما تبقا بعلها...
تحياتي و محدش يزعل يارجالة أنا بتكلم بالمنطق...
حر في وجهه نظره
بس انتي مش حر انك تفرض عليا طريقتك واسلوبك في الحياه
اذا كنت واخد الامور من ناحيه تديّن
اوكيه منتهي الاحترام لرايك
بس الدين بيقولك لماتنصح حد
اختار طريقه ووقت واسلوب كلامك
بصي يا سويت
في واحد تلاقيه داخل علي مشهد بورنو
في اليو تيوب وبعد ما يشوفه
يكتب اتقوا الله
طب متتقيه انت وبعدين انصحنا
بس بردو اكيد في حدود لاي علاقه بين ولد وبنت سواء مدون او غيره
يحكمها اطار محدد من الزماله او اخوه مش اكتر متبقاش هيصه
بس علي فكره
احنا كمصريين مليينين تناقض حتي ولو خبناه
مش عارف انا لو خطيبتي مدونه بكل صراحه هقولها ايه
انا مقدرش احكم علي شيء الا اما اكون فيه
بس التدوين مش سبه في جبين احترامها
بس مياثرش علي بيتها وجوزها الا هو انا
لو اثر اكيد هتضايق
اللهيخفف عنك
بانتظارك
والف سلامة ليكي ياقمر
ازيك ياقمر عامله ايه
تعرفي انا مش فاهمه اي حاجه والا ايه حصل
شكلي كنت في غيبوبه والا ايه
عموما يارب تكوني بخير وقريب نشوف لك موضوع جميل زيك
دومتي بخير
استفزنى رد الأخ اصلى البنات دى مش محترمة
اى حد فاكر ان الناس مش محترمة هو انا اسف مش محترم شوفت اية انت على اى حد علشان تحكم انة مش محترم
اكاد اجزم ان كل تفكيرة مش محترم
طب انا حكمت علية ازاى
زى ما هو حكم على الناس
انا اسف لو كنت حاد فى التعبير بس
نرفزنى صراحة
انا اسف