">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق
‏إظهار الرسائل ذات التسميات انا لله وانا اليه راجعون. إظهار كافة الرسائل
‏إظهار الرسائل ذات التسميات انا لله وانا اليه راجعون. إظهار كافة الرسائل

٢٦ يوليو ٢٠٠٩

وداااعا ... ؟؟ أم الى اللقاء

17 التعليقات مرسلة بواسطة sweet angel في ١٢:٢٢ ص

ما أكثرها أنواع الفراق
.
ولكن أصعب هذه الانواع
.
هو أن تودع شخصا قد غادر هذه الدنيا واستراح منها وانتقل الى الدار الآخره
.
انه فراق صعب
.
خاصة
.
اذا كان فجأه وليس له مقدمات
.
تراه ممداَ أمامك
.
جسدٌ بلا روح
.
تناديه فلا تجد جواباً
.
تتمنى أن تسمع أذناك صوته
.
أو تجد منه رداً يثلج صدرك
.
تتمنى لو أنك حظيت منه بابتسامه أو وصيه تُسِِِْليك باقي أيام عمرك
.
تتمنى لو أنك أحتضنته وأغلقت عليه ضلوع صدرك حتى لا يفارقك
.
في هذا الموقف تبكي العين ويحزن القلب
.
ولا يملك الانسان الا أن يحمد الله على قضاءه وقدره
.
لكننا نعيش على أمل
.
هو أملنا جميعا
.
وهو أن الشخص الذي ودعناه وفقدناه سنلقاه يوم الحشر لا محالة
.
ويغفر الله لنا وننطلق مسرعين الى جنة الخلد أجمعين (آآمين)
.
والله لولا هذا الامل ماصبر مؤمن على مثل تلك الأحداث
.
لذا لا أقول ودااعااااا
.
بل
.
الى اللقاء
...
...
علمتني الحياة :
كلنا راحلون .. وتمحى ذكرانا .. الا صاحب الخلق الطيب .. تبقى النفوس تذكره

 

التسميات:

٢٠ يوليو ٢٠٠٩

ليله .. غدر فيها القدر

15 التعليقات مرسلة بواسطة sweet angel في ٦:٢٣ ص

ليله .. زي أي ليله
.
.
مفيش حاجه مختلفه ..
.
.
غير اننا كلنا كنا سعداء لأن جدتي الحبيبه وافقت تقضي الليله معانا
.
.
ولما الساعه بقت 12 بعد منتصف الليل
.
.
جدتي قالت انها هتصلي قيام الليل قبل ماتنام
.
.
لربما تروح عليها نومه ومتصحاش غير على أذان الفجر
.
.
وكده يكون راح منها القيام
.
.
ومع اني أنا وأمي قولنا لها تدخل تنام وهنصحيها قبل الفجر
.
.
وهتلحق تصلي
.
.
لكن هي أصرت وقالت محدش ضامن الظروف
.
.
وفعلاَ صلت ودخلنا ننام
.
.
ومن حسن حظي انها شرفت سريري ونامت جنبي
.
.
وطول الليله دي وأنا مش جايلي نوم وده بالنسبه ليا شئ عادي
.
.
الغريب ان جدتي كانت هي كمان قلقانه
.
.
وكل شويه تقولي : الساعه بقت كام ؟
.
.
شويه وقرآن الفجر اشتغل
.
.
قولت أقوم بقى مش باقي عن الفجر غير ربع ساعه
.
.
وبعدي بخمس دقايق قامت جدتي الحبيبه
.
.
اتوضت وقعدت جنبي
.
.
وقالت : المروحه شديده عليكي كده هتاخدي برد
.
.
قولتلها : الوقتي نصلي ونقوم ننام تاني في الساونا الي حضرتك عاملاها لنا جوه
.
.
وبعد لحظات
.
.
لقيتها بتصرخ
.
.
نزلت عند رجليها
.
.
وقولتلها : مالِك ؟
.
.
قالت : الدنيا بتتقلب ؟
.
.
قولتلها : لأ مش بتتقلب
.
.
قالت : لأ بتتقلب ، الدنيا بتتقلب بيا
.
.
ولقيتها بدأت تُقع من على الكرسي
.
.
فأخدتها في حضني
.
.
وقولتلها : متخافيش مفيش حاجه
.
.
انتي بس دايخه شويه ، غمضي عنيكي وهتبقي كويسه
.
.
وبعد دقيقه
.
.
كل حاجه سكتت
.
.
مش باقي غير أنفاس
.
.
قولتلها : شوفتي محصلش حاجه يلا قومي بقى
.
.
الفجر أذن يلا علشان نصلي
.
.
بس مفيش رد ،
.
.
ولسه هدوء الفجر مخيم على المكان
.
.
ناديت على والدي ووالدتي
.
.
وجات أمي وأضاءت الانوار
.
.
وابتدت تنادي جدتي وتتوسل ليها ترد
.
.
بس كمان مفيش رد
.
.
وقتها أنا بصيت في وش جدتي علشان أشوف ايه الي رعب أمي أول ماشافتها
.
.
وأول مابصيت
.
.
.
لقيت عيونها مفتوحين
.
.
مش عارفه ايه الي حصل بعد كده
.....................................
طيلة ثلاثٍ وعشرون ليلة .. جميعنا يدعو لكِ بالشفاء
والكل يحلم بعودتك بيننا .. لتنيري أركان حياتنا
ولكن ..
قضاء الله فوق كل شئ
فقد اختاركِ أنتِ
ونَفِذ قضاؤه
......................................
رحِمك الله ياجدتي الحبيبه
فراقك صعب علينا جميعا
أبكى العين وأدمى القلب
أسكنكِ الله فسيح جناته

 

التسميات: