">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

26 فبراير، 2011

عايز أصاحب !!! (2)


 


السلام عليكم ورحمة الله وبركاته

نكمل في موضوعنا اللي فات

وقفنا المره اللي فاتت عند

الصحوبيه .. هي حلال ولا حرام ؟؟

وقولنا اه طبعا حرام بنص القرآن

هي الصحوبيه موجوده في القران ؟؟

اه الصحوبيه موجوده في القرآن

موجوده مرتين .. مره للستات ومره للرجاله

طب ليه حرام ؟؟ هي العاطفه دي مش ربنا خلقها فيا ؟؟ يعني هو انا الي حطيتها ف نفسي ؟؟

هو انا فايدي اتحكم في مشاعري؟؟ ليه يارب ..

يعني ليه الاسلام بيضغط علينا ف حاجه .. هي حاجه جميله جدا ؟؟ ليه الاسلام بيضغط علينا في الناحيه دي

هو انا مش عاوزة ابدأ بقال الله وقال الرسول فتبقى هي حرام .. وهو الصح اني اقول كده

انما انا بكلم الشباب .. فخلينا نتكلم بالراحه وبعدين في الاخر نقول قال الله وقال الرسول

تعالو نبدأ بايه ؟؟؟؟؟؟

تعالو نشوف الصحوبيه دي ايه أسبابها وايه دوافعها ؟؟

هنلاقي ان الاسباب هي كالآتي :

الحاجه للحنان والحب

التطور .. اه ماهي الدنيا بتتقدم وانا عاوز اواكب العصر

الضغوط والتفكك الاسري

الفراغ والتسليه

صعوبه الزواج .. فأعيش قصه حب لغايه ماجي اتجوز

ممكن للولد علشان يثبت رجولته .. يعني زي ماالاولاد التانيين عاملين وبردو للبنت انا مش معقده لان هيتقال عليا معقده لو مش صاحبت

حب الاستطلاع والرغبه في التجربه

الافلام والاعلانات كلها مليانه قصص حب

القدوة السيئه .. لما واحده تشوف اخوها مصاحب .. طب ليه حرام عليها ؟؟؟

في استطلاع رأي اتعمل على أحد المواقع من مده

في رأيك كشاب .. ماهي دوافع الصحوبيه ؟؟

دخل عليه 4045 شاب

وكانت النتيجه :

الفراغ وتسلية الوقت 32%

الحب 12%

الزواج 9%

الغرائز 38%

أخرى 8%


ونفس الموضوع للبنات

في رأيك كفتاه .. ماهي دوافع الصحوبيه ؟؟

وصوت عليه 4630 بنت

وكانت النتيجه  :

الفراغ وتسليه الوقت 33%

الزواج 22%

الحب 19%

الغرائز 11%

أخرى 12%

والمفجأه ان الجميع كان متوقع ان النسبه عند البنات في الزواج والحب تكون 99%

لكن طلع ان الفراغ وتسليه الوقت 33% ودي نسبه تخوف

آدي الاسباب .. آدي الدوافع .. وانا كلامي هيكون اكتر للبنات

شوفتي .. دوافعه غير دوافعك خالص .. شوفتي الفراغ كام والغريزه كام ؟؟؟

افتكري النسبه دي كويس وفكري فيها

طيب .. شوفنا الاسباب وشوفنا الدوافع

نرجع بقى .. ليه الصحوبيه حرام وليه ربنا قال انها حرام ؟؟

تعالو نشوف نتائج الصحوبيه

أقولكم نتائج الصحوبيه ايه ؟؟؟

تعالو نسأل نفسنا سؤال ...

اذا كان الدافع من الصحوبيه هو الزواج . كم % من قصص الحب بتنتهي بالزاوج ؟؟؟؟

جاوبو على السؤال ..

وهو ده الي هنقوله المره الجايه ان شاء الله علشان انا كده طولت عليكم اوي

ولغايه المره الجايه .. استودعكم الله الذي لاتضيع ودائعه

يتبع  ..................


 

ده لينك الجزء الاول للي مش تابع من الاول

18 فبراير، 2011

انا عايز اصاحب !! (1)



اعاده بدايه الموضوع لانه نزل ايام امتحانات ومش لقى متابعه جيده





أنا هتكلم النهارده عن مشكله من مشاكل الشباب قبل الجواز

مشكله أساسيه ، لها علاقه بالبيوت بعد الجواز والحب بالجواز

بنتكلم على ايه ؟؟ مشكله بيعاني منها الشباب

المشكله دي هي المصاحبه ... الحب

أنا عايز أحس بحب وعايز يبقالي واحده أحبها وتحبني ، ويكون بينا وبين بعض علاقه

أنا عايز أصاحب ..

تعالو نشوف مع بعض العلاقه دي هيكون شكلها ايه ؟؟ وعاوزين نقول للشباب عنها ايه !!

الاول تعالو نعرف علشان نبقى متفقين مع بعض .. يعني ايه صحوبيه ؟؟

يعني هي زميلتي في الجامعه ، في نفس الصف ،

أو هي معايا في الشغل ولازم نشتغل مع بعض علشان المدير قالنا لازم نشتغل سوا ؟؟؟

لا يا جماعه ده موضوع تاني

ان ظروف الشغل اقتضت اننا نشتغل ونتكلم مع بعض كتير ؟؟؟

لا مش ده الي انا بتكلم عنه .. أنا بتكلم عن حاجه تانيه

أنا مش بتكلم عن زماله احنا محطوطين فيها ، أنا بتكلم عن صحوبيه

وأقصد ايه بالصحوبيه ؟؟

هي ببساطه كده .. يعني أنا عندي 18 سنه وهي عندها 16 سنه

أنا عندي 20 سنه وهي عندها 17 سنه ، واحنا الحقيقه بنحب بعض جدا ، ومنقدرش نعيش من غير بعض

وهو الحقيقه أغلى حاجه في حياتي ، وأنا متخيلش الدنيا من غيره

واحنا ان شاء الله طبعا هنتجوز ، آه اكيد .. احنا منرضاش أبدا ان احنا نعمل العلاقه دي كده في الهوا

احنا عاوزين نتجوز ان شاء الله بعد عشر سنين كده

أما يبقا هو قادر ع الجواز وأبقا أنا قادره ع الجواز

هنتجوز ان شاء الله لما يكون هو جاهز واحنا ان شاء الله اتفقنا على كده

وأنا الحقيقه بعتبره هو كل حاجه في حياتي وهو بيعتبرني كل حاجه في حياته

واحنا بنتقابل بقا وعايشين حياتنا مع بعض ، أنا الحقيقه بعتبره زي ما يكون خطيبي بالظبط

ده كده يعني توصيف بسيط لحاجات كتيره أوي موجوده عند الشباب ، يا اما شباب وبنات مش عارفين يعملوها لكن بيتمنوها

طب العلاقه دي بتنشأ ازاي وفين ؟؟

هي الحقيقه أكتر مكان بتنشأ فيه الجامعه ، أو المدرسه أو الدروس الخصوصيه

يعني كلها الحمدلله في مجال العلم .. وده من الطرائف .. ان الحاجه الاساسيه الي بتنشأ فيها الصحوبيه هي المؤسسه التعليميه

طب وبتنشأ فين تاني ؟؟

في المصايف ، في المولات وفي النادي ، وبتنشأ بطريقه قديمه هي عباره عن التليفون اللي اتطور دلوقت وبقا الشات

ودي بقت طريقه سهله وبسيطه ومفيش عليها اي رقابه

طب هي الصحوبيه .. نشأت بقالها أد ايه ؟؟ يعني هل هي ظاهره طبيعيه أصليه ، ولا هي ظاهره جديده ؟؟

لاهي في الواقع ظاهره جديده نشأت في اخر 60 سنه بس

يعني في الاربعينيات مكانش في حاجه اسمها صحوبيه ، لان النسا مكانتش محتاجاها

طب هي الصحوبيه حلال ولا حرام ؟؟

يعني بعد المقدمه دي .. من الاخر كده .. الصحوبيه حلال ولا حرام ؟؟

لأ .. الصحوبيه حرام طبعا

طبعا حرام !! 

ليه طبعا حرام ؟؟؟

دي طبعا حرام .. بنص القرآن

هي الصحوبيه موجوده في القرآن ؟؟؟

آه موجوده في القرآن .. مرتين .. مره للستات ومره للرجاله



يتبع ........


15 فبراير، 2011





أحضِرباحث خمسة قرود ،,، وضعها في قفص!



وعلّـق في منتصف القفص حُزمة موز، وضع تحتها سُلّماً.... بعد مدة قصيرة !!!!!!


وجد أن قرداً ما من المجموعة اعتلي السُّلم محاولاً الوصول إلى الموز. ما أن وضع يده على الموز ،

حتى أطلق الباحث رشاشاً من الماء البارد على القردة الأربعة الباقين وأرعبهم!!

بعد قليل حاول قرد آخر أن يعتلي نفس السُّلم ليصل إلى الموز

كرِّرالباحث نفس العملية ، رُش القردة الباقين بالماء البارد. كرِّر العملية أكثر من مرة!

,,,,,،،،،,,,,,

للننظر إلى تتابع تجربته من خلال تسجيله التجربة وملاحظاته

بعد فترة وجدنا أنه ما أن يُحاول أي قرد أن يعتلي السُّلم للوصول إلى الموز ستمنعه المجموعة خوفاً من الماء البارد.

الآن سنبعد الماء البارد، ونخرج قرداً من الخمسة إلى خارج القفص،


ونضع مكانه قرداً جديداً (لنسميه سعدان) لم يُعاصر ولم يُشاهد رَش الماء البارد.


سرعان ما سيذهب سعدان إلى السُّلم لقطف الموز، حينها ستهب مجموعة القردة المرعوبة من الماء البارد لمنعه وستهاجمه.

بعد أكثر من محاولة سيتعلم سعدان أنه إن حاول قطف الموز
سينال

(عَلْـقَة ً قِردَانيّة) من باقي أفراد المجموعة !

الآن سنخرج قرداً آخر ممن عاصروا حوادث رش الماء البارد (غير القرد سعدان)، وندخل قرداً جديداً عوضاً عنه.

ستجد أن نفس المشهد السابق سيتكرر من جديد.

القرد الجديد يذهب إلى الموز، والقردة الباقية تنهال عليه ضرباً لمنعه،

بما فيهم سعدان على الرغم من أنه لم يُعاصِر رش الماء، ولا يدري لماذا ضربوه في السابق،


كل ما هناك أنه تعلم أن لمس الموز يعني (عَلْـقَة) على يد المجموعة.

لذلك ستجده يُشارك، رُبما بحماس أكثر من غيره بكَيل اللّكمات والصفعات للقرد الجديد


(ربما تعويضاً عن حُرقَة قلبه حين ضربوه هو أيضاً) !

سنستمر بتكرار نفس الموضوع، ونخرج قرداً ممن عاصروا حوادث رش الماء، ونضع قرداً جديداً، وسيتكرر نفس الموقف.

سنكرر هذا الأمر إلى أن تستبدل كل المجموعة القديمة ممن تعرضوا لرش الماء بقرود جديدة!
,,,,،،،،,,,،،،
في النهاية
.
.
.
.
.
.
سنجد أن القردة ستستمر تنهال ضرباً على كُل من يجرُؤ على الاقتراب من السُّلم.
لماذا؟؟؟؟؟؟؟؟؟؟؟؟؟؟
لا أحد منهم يدري!!!!!!!!!!!!!


لكن هذا ما وَجدَت المجموعة نفسها عليه منذ أن جاءت !
هذه القصة ليست على سبيل الدُّعابة

وإنما هي من دروس علم تطوير الذات الحديثة
لينظر كُل واحد منكم إلى محيطه,,،، عمله,,،، بيته,,،،. كَم من القوانين والإجراءات المُطبقة، تُطبّق بنفس الطريقة وبنفس الأسلوب البيروقراطي غير المُقنِع منذ الأزل،
ولا يجرؤ أحد على السؤال لماذا يا تُرى تُطبق بهذه الطريقة؟
بل سيجد أن الكثير ممن يعملون معه وعلى الرغم من أنهم لايعلمون سبب تطبيقها بهذه الطريقة يستميتون في الدفاع عنها وإبقائها على حالها

للأسف بكل سهوله اصبحنا تابعين لمن سبقونا في تفسيراتهم ووجهة نظرهم ولم نحاول ان نكتشف بانفسنا هل هذه التفسيرات صحيحه ام لا !!!!!!!



والحدق يفهم !!!!!!!!
.........................................................................

6 فبراير، 2011





مش هقول بلد الحضاره ولا اهرامات ولا نيل

ع الطيبه نزلنا الستاره وقرارنا ملوش بديل

ده احنا كنا زمان غلابه عايشين بقلب كبير

عملنا كتير لغيرنا وطلعو ناكرين للجميل


مش هقول بلد الحضاره ولا اهرامات ولا نيل

مصر ولادة رجال بيعلو جيل ورا جيل

عشان خاطرها اولادها ياما عملو المستحيل

أم آه بس في غضبها .. اسألو اسرائيل


شعبنا قامت قيامته

أي حد يهين كرامته

نقل قيمته نبقا كلنا ايد فايد

أم الدنيا بقت أبوها

واللي يتطاول عليها

جابو لنفسه .. تاني نربيه من جديد


شعبنا فاق للي كانو علينا متآمرين

م النهارده مفيش خيابه ولا فتنه بين أخين

مينا ومحمد هيبقو للخسيس واقفين


للجبان هنكون ديابه ده احنا مصريين ...




مش هكون من تاني بغضب واصفا  بعد يومين


مصر مش هتنام وتسكت تاني للحاقدين ...
فاكرين عساكر كانو علي الجبهه بقصد قاعدين ..


ولما قامو رجعولنا حقنا في ساعتين ...




شعبنا قامت قيامته اي حد يهين كرامته ..


نقل قمته نبقي كلنا ايد في ايد ..


ام الدنيا بقت ابوها ..


واللي يتطاول عليها جابو لنفسه تاني نربيه من جديد ..




( شكرا لكل اللي اتامرو علي البلد دي .... لانكو المره دي من غير ما تقصدو جمعتو الشعب المصري ايد واحده ..
وخليتو اي حد فينا زعلان من البلد دي نسي ليها اي حاجه ... وعرفنا ان نار البلد دي ولا جنه غيرها )

2 فبراير، 2011

مصر


click to zoom



علشــــان انــــا مـــــصــــــري ودي هويتي

يبقى أحس بذل ومهانه عشان جنسيتي ؟؟!



وأنســـــــــــا ان بلـــــــــدي دي بلد حضاره

وانســـــــــــا انها في الـــــعلم مــــنـــــــاره



وانســـــــــــا في الـقــــــرآن ذكــــــــــــرها

وانســـــــــــا في الـقـــــــلب حبــــــــــــــها



دي مـــــــــــصــــــــــــــر ام الـــــــدنــيــــا

مهانـــــــتـــــــــش ولا ثــــــــــانـــــــيـــــه














بســـــــــبــــــبب الـــــــــظـلم فــيــــــــــها



والـــنــــاس هــمـــــــــــها الـــــفـلـــوس

حتــــى لـــو فــــــــوق بـــعضها هتدوس



تــــــــوصـــل للــفـــلــوس تدوق طعمـها

تــنــسا ســاعتـــــــها يـــــوم فــقرهـــــا



وتــنـــسا المـــسكين يوم ما كانت زيـــه

ولا تســــأل عنه ولا تـــقــــــول ازيـــــه



عايـــش منيـــــن .. بيـــــاكل منيــــــــن

بس تقول واحــنا كان ساعدنـــا مين ؟؟



هـــــــو يـــقــــف ويشــــــــــيل همـــــه

وجـــــــــايــــز لـــو ربنــــا كرمـــــــــه



يبـــقى فـ يـــــــــــــــوم زيـــنــــــــــــــا



ويـــــــــدوق طــــعـــــــــم الفلـــــــوس

وان داس على غيره ..... يــــــــــدوس