">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

3 فبراير، 2012

أنا عايز أصاحب ... (4)



الجزء الاول

الجزء الثاني

الجزء الثالث





وقفنا في الجزء اللي فات على ايه .. قولنا مشكله من مشاكل الصحوبيه


اللي هي كسرة قلب البنت والولد


وقولنا مش كده وبس .. ده فيه مشكله تانيه


طب ايه هي المشكله التانيه ؟؟


(بعد الجواز) !!!!!!


يا جماعه أطباء النفس بيقولو ان 70-75% من حالات الطلاق سببها علاقات ما قبل الزواج


يعني ايه ؟؟


هي في العقل الباطن عماله تقارن .. الولد اللي هي كانت عارفاه زمان .. بجوزها


هتقولولي لأ هي مبتعملش كده ، ده القصه انتهت خلاص ومعادتش بتحبه ، هقولكم ماشي


بس المقارنه شغاله .. ازاي؟؟


بتقارن زوج مسئول لازم يروح الشغل ولازم يتعب وجاي تعبان وعايز ينام وساعات زهقان .. بواحد مكنش بيقابلها غير وهو فاضي وموضب نفسه وعامل شعره جل وبابا مديه المصروف ومعندوش مشاكل والدنيا متظبطه 


فتبدأ البنت غصب عنها تقارن .. شوف جوزي عامل ازاي ؟ فاكر ازاي زمان وكنا عايشين ازاي


والمقارنه ظالمه لان انتي بتقارني واحد غير مسئول بواحد مسئول




يا جماعه علاقات ما قبل الزواج بتأثر في العقل الباطن ، وبتخلي المرأه بعد الزواج مشتته في مشاعرها


مش عارفه تدي كل طاقة الحنان بتاعتها للراجل ده وتبدأ الاسره تبوظ ويبدأ الحب يقل في البيوت


بسبب انها عرفت واحد واتنين وتلاته قبل الجواز


وهو الولد نفس الحكايه بسبب انه عرف 4-5 قبل الجواز


فيجي يتجوز تلاقيه بيقولك .. هي مراتي طيبه .. بس اللي انا كنت عارفها زمان وشعرها والبرفان بتاعها وازاي كانت بتضحك ومنطلقه  


انما مراتي .. قاعده تربي في العيال 


يا عم المقارنه ظالمه 


لأ ومش كده وبس .. 


ده فيه مشكله اكبر من كل ده ......... هنقولها المره الجايه


.......................................


ولنا لقاء جديد ان شاء الله