">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

10 ديسمبر، 2011

لا تحزن ..







إن رأيـــــت يـــومـــا زهـــرة بـــاكــيـــة ..

لا تــســـألــهــا عـــن الســـبـــب واســـأل صـــاحــبــها ..

لـــمـــاذا أهــمـــل زهـــرتـــه !!

وكـــيــــف هــــان عــليــــه دمـــوعهـــا !!

كــانـــت فـــى يومـــ سبـــب لفـــرحتـــه ..

والــيـــوم أصـــبح هــــو سبــــبا فـــى حــزنـــها ..

إن فــى يـــوم اخـــتـــرت زهــرة ..

قــبـــل ان تقــطفـــها مــن مـــكانـــها ..

إن لــم تكـــن عــلــى اســـتعــداد للمـــــحافـــظة علـــيها ..

فــلا تـــقـــطفــهـــا ..

دعــهـــا لــمـــن يــحـــافـــظ عــلــيهـــا ..

16 نوفمبر، 2011

حب ... غريب



السلام عليكم ورحمة الله وبركاته





الموضوع النهارده مش موضوع يعني مش توبيك

الموضوع النهارده شويه كلام ضاق القلب بيهم وعاوز يخرجهم

الكلام النهارده لكل انسان حبيبه جنبه وبين ايديه ومش حاسس بيه وبسهوله ممكن يضيعه وبعدها يندم عليه

ليه الانسان ممكن يظلم الانسان الي زيه ؟؟ ليه نجيب لنفسنا الزعل والضيق ؟؟

يعني ازاي الواحد يبقى عايش ونعم ربنا عليه كتير جدا ويجيب لنفسه الحزن والزعل

ليه الواحد يبقى حبيبه معاه ويجرحه علشان يتعبو هما الاتنين

لو حد فيهم فكر في مره ان التاني ده هو نعمه من نعم ربنا عليه وربنا ممكن ياخدها منه في اي وقت 

لو فكرو مره ان في كتير زيهم بيحبو ومش طايلين نظره من الي بيحبوهم

لو فكرو ان في كتير زيهم بيحبو واحبابهم سابوهم وبقو تحت التراب

هيحسو اد ايه هما في نعمه كبيره 

الدنيا مش مستاهله .. فعلا مش مستاهله ابدا

علشان محدش يرجع يقول :

حبتني حب غريب وازاي انا مــهتمتش
وسابتني عشان حبتني بجد ومتحبتش


وبعد ماراحت راح الحب وياها كمان
مالقتش حد يحبني الحـــب اللي كان


دلوقتي كل ما اشوف عينيها تلومني عشان
بعد امــــــــــا بعدت عني اتحبت ومــحبتش

 كانت اكتر حد فاهمني وحـــاسس بيا
وعمري ماكنت في لحظة متخيلها ليا


كنت حاسس ان فيه وحده في خــــيالي
مخدتش بالي اتاريها جنبي اتاريها هيا






حافظو على الي في ايديكم قبل الندم 





17 أكتوبر، 2011

المشكله في مين ؟؟


قد لا تكون المشكلة عند الآخرين بل عندنا نحن





حكايات التنمية البشرية الهام وفكر تعالوا نستفيد





يحكى بأن رجلاً كان خائفاً على زوجته بأنها لا تسمع جيداً وقد تفقد سمعها يوماً ما.
فقرر بأن يعرضها على طبيب أخصائي للأذن.. لما يعانيه من صعوبة القدرة على الاتصال معها.
وقبل ذلك فكر بأن يستشير ويأخذ رأي طبيب الأسرة قبل عرضها على أخصائي.



قابل دكتور الأسرة وشرح له المشكلة، فأخبره الدكتور بأن هناك طريقة تقليدية لفحص درجة السمع عند الزوجة وهي بأن يقف الزوج على بعد 40 قدماً من الزوجة ويتحدث معها بنبرة صوت طبيعية
إذا استجابت لك وإلا أقترب 30 قدماً،
إذا استجابت لك وإلا أقترب 20 قدماً،
إذا استجابت لك وإلا أقترب 10 أقدام وهكذا حتى تسمعك

وفي المساء دخل البيت ووجد الزوجة منهمكة في إعداد طعام العشاء في المطبخ،
فقال الآن فرصة سأعمل على تطبيق وصية الدكتور.
فذهب إلى صالة الطعام وهي تبتعد تقريباً 40 قدماً


ثم أخذ يتحدث بنبرة عادية وسألها

"يا حبيبتي..ماذا أعددت لنا من الطعام".. ولم تجبه..!!



ثم أقترب 30 قدماً من المطبخ وكرر نفس السؤال:
"يا حبيبتي..ماذا أعددت لنا من الطعام".. ولم تجبه..!!


ثم أقترب 20 قدماً من المطبخ وكرر نفس السؤال:
"يا حبيبتي..ماذا أعددت لنا من الطعام".. ولم تجبه..!!


ثم أقترب 10 أقدام من المطبخ وكرر نفس السؤال:
"يا حبيبتي..ماذا أعددت لنا من الطعام".. ولم تجبه..!!


ثم دخل المطبخ ووقف خلفها وكرر نفس السؤال:
"يا حبيبتي..ماذا أعددت لنا من الطعام".


فقالت له ……."يا حبيبي للمرة الخامسة أُجيبك… دجاج بالفرن".



(إن المشكله ليست مع الاخرين احيانا كما نظن !! ولكن ربما تكون المشكله معنا نحن )

9 أكتوبر، 2011

الصمت القاتل ..




هل طبعك الصمت عند الألم ؟؟
ماذا تفعل لو كان طبعك الصمت عند الألم ؟؟
يقال أن الصمت أبلغ لغات الكلام

ويقال أن الكلام من فضه والسكوت من ذهب


قيل الكثير عن الصمت
والكثير منا يعانون من الصمت


ولكن ماذا تفعل اذا كان الصمت طبعك عند الحزن والغضب ؟؟


عندما يسىء اليك عزيز لديك بكلمة أو تصرف

فحليفك الصمت وتجف الكلمات عند شفتيك

وتتحجر الدموع في عينيك




ماذا تفعل ؟؟
اذا تجاهل هذا الشخص ألمك وتناسى اساءته وتابع حياته معك وكأن شيئا لم يكن ..

والصمت طبعك ..

والألم بداخلك يقتلك ..




ماذا تفعل ؟؟

...............................................................................................................


عيني رأت مولود على كتف أمه ..


يصرخ تهنن فيه .. يصرخ تضمه ..


يصرخ تقول يابني ماتنطق كلام ..


ده الي مينطقش ياكتر همه ..


وعجبي !!

14 أغسطس، 2011

هي .. حته منك !!





بسم الله والحمدلله والصلاة والسلام على رسول الله

(صلى الله عليه وسلم)

سعادة البيوت .. مسؤلية الراجل .. وكمان الست

وأنا لو حبيت أكلم الزوج النهارده

هقوله .. افتكر معايا يوم ما ربنا عز وجل .. خلق سيدنا آدم من التراب

وخلق حواء .. حته من سيدنا آدم .. من ضلعه

علشان تحن ليه دايما

فأنا بفكرك يا زوج .. ان الزوجه انت عامل زي بلدها .. الوطن بتاعها

هي تحب تأوي اليك .. وتحن اليك

فالست ربنا خلقها .. الراجل هو أهم حاجه في حياتها .. الست السويه الطبيعيه

فخد بالك .. اذا كان ربنا خلقها بتحب تحن ليك .. خليك حنين

علشان ربنا خلقها .. انت ملجأها .. وانت سندها .. وانت ظهرها ..

وعزتها وسعادتها انت سببها الكبير في الدنيا دي

فخليك حنين على مراتك ..

وأكتر حاجه الست تحبها .. هي الكلمه الحلوة

علشان كده ربنا قال " وقل لعبادي يقولو التي هي أحسن "

خلي كلمتك حلوة .. والكلمه الحلوة دي تسوى مال الدنيا كله عند الست

عارف لو كان ربنا مش مقدرك على رزق واسع .. وهدايا كتير .. وعطايا كتير .. وده قدَرَك

كلمتك الحلوة بالدنيا عندها

علشان كده .. حاول انك انت تكون حنين على الحاجه اللي ربنا خلقها حته منك .. وهي مراتك .. وخليك كريم

أقولك معلومه حلوة .. لو أنفقت مالك في الجهاد أو اشتريت العبيد وأعتقتهم في سبيل الله  او تصدقت للمساكين او انفقت على مراتك

عارف الاربع أوجه في الانفاق دول .. أعظمها أجرا كما قال صلى الله عليه وسلم :" دينار أنفقته في سبيل الله (في الجهاد) ودينار تصدقت به على مسكين ودينار أعتقت به رقبه ودينار انفقته على أهلك (يعني مراتك) أعظمها أجرا عند الله .. الذي انفقته على أهلك"

ابسط مراتك .. ووسع عليها ..وحن عليها .. واكرمها .. لانها حته منك

..................................................................


ولنا لقاء جديد ان شاء الله

31 يوليو، 2011




كل سنه وانتم طيبين

رمضان كريم


سلسله جدد حياتك الحلقه الاولى


بسم الله والحمدلله والصلاة والسلام على رسول الله صلى الله عليه وسلم




تخيل لو ملك من ملوك البلاد وكان عامل عيد ميلاد 

وواحد من الرعيه جابله باكو بسكويت صغير كده ممكن يكون بربع جنيه

فياخد الملك البسكويت الصغير ده ويفرح قوي

ويقول للشخص البسيط انت جايبلي الهديه الكبيره دي ، كل ده علشاني ؟؟

فيقوله أنا مجبتلكش حاجه ، دي حاجه على أدي ، دي بسيطه قوي 

فيقوله الملك الغني : هي ممكن تكون بسيطه لكن علشان أنا بحبك وانت غالي عندي ، دي كبيره قوي في عنيا 

ولله المثل الأعلى 

احنا منعرفش يا جماعه حد بيرضى بالقليل مننا زي ربنا سبحانه وتعالي 

أقل حاجه ترضيه وأقل حاجه تفرحه

بل ان ربنا بيضحك ، زي ما النبي قال (صلى الله عليه وسلم ) : ان ممكن ركعتين يبقى واحد تعبان وراجع من شغله كما في الحديث

ان كان فيه ناس مسافره  وضربو الخيام يعني بدأو ينصبو الخيام علشان ينامو ، فقام شاب يتملق ربه بركعتين

يعني وقف كده يصلي ركعتين حب في ربنا فضحك الله له

انتو عارفين يا جماعه انه يكفي لربنا انه يرضى ان وحضرتك بتفطر تقول الحمدلله بعد الأكل أو بعد ما تشرب شربة الميه تقول الحمدلله

قال (صلى الله عليه وسلم ) كما في صحيح مسلم :" ان الله ليرضى عن العبد يأكل الأكله فيحمده عليا ويشرب الشربه فيحمده عليها "

ده كافي ان ربك حبيبك يرضى عنك ويسامحك ويغفرلك بكلمة الحمدلله

حد عارف ان من قال " سبحان الله وبحمده " مائه مره غفرت كل ذنوبه وان كانت مثل زبد البحر

زبد البحر يعني رغاوي البحر

كل ذنوبي ؟؟ علشان 3 دقايق بسبح بحمد ربنا !!

يا ما انت كريم يارب

ربنا بيحبك وعلشان بيحبك بيرضى بأي حاجه انت عملتها بقلب وبحب علشانه وبأقل حاجه

وزي مااتفقنا : يكفي كلمه الحمدلله لرضى رب العالمين سبحانه وتعالى 


ــــــــــــــــــــــــــــــــــــــــــــــــــــــــــــــــــــــــــــــــــــــــ


ولنا لقاء جديد ان شاء الله



25 يوليو، 2011

أنا عايز اصاحب (1) ..



عوده .. بعد طول غياب .. بدون سبب




أنا هتكلم النهارده عن مشكله من مشاكل الشباب قبل الجواز

مشكله أساسيه ، لها علاقه بالبيوت بعد الجواز والحب بالجواز

بنتكلم على ايه ؟؟ مشكله بيعاني منها الشباب

المشكله دي هي المصاحبه ... الحب

أنا عايز أحس بحب وعايز يبقالي واحده أحبها وتحبني ، ويكون بينا وبين بعض علاقه

أنا عايز أصاحب ..

تعالو نشوف مع بعض العلاقه دي هيكون شكلها ايه ؟؟ وعاوزين نقول للشباب عنها ايه !!

الاول تعالو نعرف علشان نبقى متفقين مع بعض .. يعني ايه صحوبيه ؟؟

يعني هي زميلتي في الجامعه ، في نفس الصف ،

أو هي معايا في الشغل ولازم نشتغل مع بعض علشان المدير قالنا لازم نشتغل سوا ؟؟؟

لا يا جماعه ده موضوع تاني

ان ظروف الشغل اقتضت اننا نشتغل ونتكلم مع بعض كتير ؟؟؟

لا مش ده الي انا بتكلم عنه .. أنا بتكلم عن حاجه تانيه

أنا مش بتكلم عن زماله احنا محطوطين فيها ، أنا بتكلم عن صحوبيه

وأقصد ايه بالصحوبيه ؟؟

هي ببساطه كده .. يعني أنا عندي 18 سنه وهي عندها 16 سنه

أنا عندي 20 سنه وهي عندها 17 سنه ، واحنا الحقيقه بنحب بعض جدا ، ومنقدرش نعيش من غير بعض

وهو الحقيقه أغلى حاجه في حياتي ، وأنا متخيلش الدنيا من غيره

واحنا ان شاء الله طبعا هنتجوز ، آه اكيد .. احنا منرضاش أبدا ان احنا نعمل العلاقه دي كده في الهوا

احنا عاوزين نتجوز ان شاء الله بعد عشر سنين كده

أما يبقا هو قادر ع الجواز وأبقا أنا قادره ع الجواز

هنتجوز ان شاء الله لما يكون هو جاهز واحنا ان شاء الله اتفقنا على كده

وأنا الحقيقه بعتبره هو كل حاجه في حياتي وهو بيعتبرني كل حاجه في حياته

واحنا بنتقابل بقا وعايشين حياتنا مع بعض ، أنا الحقيقه بعتبره زي ما يكون خطيبي بالظبط

ده كده يعني توصيف بسيط لحاجات كتيره أوي موجوده عند الشباب ، يا اما شباب وبنات مش عارفين يعملوها لكن بيتمنوها

طب العلاقه دي بتنشأ ازاي وفين ؟؟

هي الحقيقه أكتر مكان بتنشأ فيه الجامعه ، أو المدرسه أو الدروس الخصوصيه

يعني كلها الحمدلله في مجال العلم .. وده من الطرائف .. ان الحاجه الاساسيه الي بتنشأ فيها الصحوبيه هي المؤسسه التعليميه

طب وبتنشأ فين تاني ؟؟

في المصايف ، في المولات وفي النادي ، وبتنشأ بطريقه قديمه هي عباره عن التليفون اللي اتطور دلوقت وبقا الشات

ودي بقت طريقه سهله وبسيطه ومفيش عليها اي رقابه

طب هي الصحوبيه .. نشأت بقالها أد ايه ؟؟ يعني هل هي ظاهره طبيعيه أصليه ، ولا هي ظاهره جديده ؟؟

لاهي في الواقع ظاهره جديده نشأت في اخر 60 سنه بس

يعني في الاربعينيات مكانش في حاجه اسمها صحوبيه ، لان النسا مكانتش محتاجاها

طب هي الصحوبيه حلال ولا حرام ؟؟

يعني بعد المقدمه دي .. من الاخر كده .. الصحوبيه حلال ولا حرام ؟؟

لأ .. الصحوبيه حرام طبعا

طبعا حرام !! 

ليه طبعا حرام ؟؟؟

دي طبعا حرام .. بنص القرآن

هي الصحوبيه موجوده في القرآن ؟؟؟

آه موجوده في القرآن .. مرتين .. مره للستات ومره للرجاله



يتبع ........


20 أبريل، 2011


السلام عليكم ورحمة الله وبركاته

................................................................

أولا وقبل كل شئ .. ردا على التعليقات بتاع البوست اللي فات .. أنا مش دوست للـ "فيس بوك" على طرف والله

هو أكيد فيه حاجات كويسه وحاجات وحشه زي كل حاجه في الدنيا

أنا مش كنت بقول رأيي فيه أبدا .. أنا بس بقول احساسي ناحيته مش أكتر .. بصراحه بحس بخوف لمجرد الاقتراب منه

فقط لا غير

....................................................


نرجع لموضوعنا




نكمل من مكان ما وقفنا المره اللي فاتت

قولنا ربنا خلى الزواج في الاسلام بالتدرج

واحده واحده

وكل ما تكملو مرحله اتنقلو للي بعديها

اتخطبتو .. وحصل الارتياح النفسي والتفاهم العقلي ؟؟  يلا انقلو على كتب الكتاب .. حصل التفاهم الشديد ؟؟ يلا اتجوزو

فلما يجي الشباب والبنات ويفتحو العلاقات يبقى في مشاكل هتحصل

هو الاسلام مش جاي يضيق على الناس ويكرههم في عيشتهم .. ممنوع تقربو من بعض .. على الاطلاق

هي الفكره أبسط من كده بكتير

هو ايه المطلوب في المرحله دي ؟؟ مطلوب تتكلمو مع بعض .. تفهمو بعض .. تعطو العقل وقته .. وتعطو النفس وقتها انها تتعرف على الاخر وتفهم الاخر

فلو دخلت الغرائز والشهوات هتشوش على تركيز  العقل .. واحد دماغه في حته تانيه .. أو واحد عاوز يعمل الاتنين مع بعض

فنيجي بعد الجواز نقول ايه .. ده كأنه واحد تاني .. ده كأن الي اتعرفت عليه مش هو ده .. ده كان طول الخطوبه ماسك ايدي وعمال يغازلني ويقولي كذا وكذا وكذا وعايز يخرج معايا دايما

وانتي مفهمتيهوش .. انتي محققتيش مراد الله .. ربنا شرع الفتره دي علشان تتعرفو على بعض وتفهمو بعض

يعني لو المرحله دي مش حصلت ومش اديت نفسك الفرصه دي الانهيار هيبقى شديد

اصبروا .. كتب الكتاب جاي .. والجواز جاي .. يبقى اصبروا وحافظوا على نفسكم

ده الهدف بتاع الخطوبه .. هي وعد بالزواج وليس الزواج .. وبالتالي هي ما زالت أجنبيه عنك وبالتالي مينفعش ان الامور تنفتح الانفتاح الي يؤدي البوظان زي ما بيقولو

ووالله يا بنات ساعات بينضحك عليكم .. تلاقي البنت بتقول أصلي اضطريت أتجاوب معاه علشان مش يقول اني معقده .. أصل صاحباتي قالولي تجاوبي معاه علشان مش بسيبك

وتخسري نفسك

والله يا جماعه مئات المشاكل وبنات خسرو العريس الي متقدم علشان الي حصل بينه وبينها في فتره الخطوبه .. بعد ما حصل بينهم حاجات حرام سابها ومش اتجوزها .. والله كتير

وأنا عاوزة أقولكم ان المصايب اللي بتحصل في فترة الخطوبه أكتر من الي بتحصل قبل فترة الخطوبه .. لأن البنات في فترة الخطوبه بتعتبر خلاص .. ده جوزي ..

لأ ده وعد بالجواز .. يعني لو حصلت مصيبه في الخطوبه بيسيبك .. وده الي بيحصل وبتبكي البنات دم .. وبتحس البنت انها أهينت اهانه شديده

اوعي تقولي انا هتجاوب معاه علشان مش يسيبني .. لو لقيتي انه بيضطرك انك تتجاوبي معاه او هيسيبك .. اعرفي انه مش كويس

وده أكبر دليل انك فهمتيه .. وهو ده هدف فترة الخطوبه

والله الاسلام بيحافظ علينا

لما قال ركزو يا شباب ركزو يا بنات .. التفاهم العقلي .. هو ده هدف الفتره دي

وبعدين ده فيه حاجه تانيه يا جماعه

ضياع البركه .. ازاي تعصو ربنا وهو مدخلكم على الحلال .. فتحرمو منه

في قاعده بتقول " من استعجل الشئ قبل أوانه ، عوقب بحرمانه "

و " من ترك شيئا لله ـ عوضه الله خيرا منه "

تدوم البركه ويدوم الحب بعد الجواز فتره طويله بسبب التزامكم في فتره الخطوبه

كفااااايه كده المره دي

نكمل المره الجايه ان شاء الله

يتبع ....



18 أبريل، 2011



السلام عليكم ورحمة الله وبركاته

في حالة ركود غريبه في المدونات وسمعت امبارح انها نتيجة هجر المدونين لمدوناتهم وانتقالهم للفيس بوك وأنا بصراحه مليش فيه نهائي


ندخل في الموضوع


أنا كنت بدأت في جدد حياتك بالصحوبيه في موضوع أنا عايز أصاحب

ولأن وقت عرضه كان غير مناسب بالمره فمش لاقى متابعه جيده

علشان كده قررت اوقفه وأبدأ في حاجه جديده

هنعدي مرحلة الصحوبيه والزواج العرفي ومواصفات اختيار شريك الحياه

وندخل في موضوع الخطوبه وان شاء الله هنبقى نرجعلهم بعدين



بسم الله نبدأ





هنتناقش عن الخطوبه ..

تعالو نشوف هنناقش ايه ؟؟

1- الانفتاح والانغلاق بين الخطيب وخطيبته

2 - هدف الخطوبه

3 - مدة الخطوبه

4 - تقيمي ايه وتقيم ايه في الطرف الاخر علشان تطمئن ان اختيارك صح

5 - أهميه المصارحه وخطورة اخفاء المعلومات الاساسيه

6 - أخطاء وذنوب الماضي نتعامل معاها ازاي

7 - لو البنت اكتشفت عيب قاتل في العريس تعمل ايه وتخبر أهلها ولا لا وامتى ؟؟

8 - لو أمرها تطيعه ؟ ولا لسه مش في المرحله دي ؟؟


هي دي النقط الي هنناقشها


يلا نبدأ وربنا يسهل ..


أول حاجه .. الانفتاح والانغلاق بين الخطيب وخطيبته .. يعني العلاقه بينهم تبقى ازاي؟؟


علشان نوضح النقطه دي هضرب ليكم مثالين

أول نموذج : علاقه منفتحه متسيبه على الاخر كله عادي من أول مسكة الايد وانت طالع وعادي وياخدها ويسافر بيها ويسهرو لنص الليل وبابا موافق وماما موافقه وعادي جدا الدنيا ماشيه زي الفل .. ده شكل

النموذج التاني : انت تشوفها 3 مرات بس . ومتقعدش معاها لواحدكم انت تقعد وسطنا ومفيش يكلمها وتكلمه لأ هو قاعد وكلهم بيسألوه والراجل ياعيني يبقى قاعد منكمش وبيجاوب واياااااك تضحك في وشها ولا يوجهلها كلام .. وخلاص بقى انت مش شوفتها ويلا روح اتجوز وانتهى الموضوع على كده

وبين الانفتاح والانغلاق والشكلين المتناقضين اللي أنا قولتهم دول

وعلشان نجاوب على الكلام ده .. محتاجين نقول .. هو ايه تعريف الخطوبه في الاسلام ؟؟

يعني ايه خطوبه ؟؟

عارفين تعريف الخطوبه في الاسلام ايه ؟؟ " وعد بالزواج "

وعد .. والوعد ده ممكن نرجع فيه .. ومفيش وراه أي التزامات على فكره من أي نوع

فلازم الناس تبقى فاهمه كده .. ولازم الاباء والامهات يفهمو كده

طيب تعالو ندخل على النقطه التانيه .. هو ايه هدف الخطوبه ؟؟

العلماء وديننا عرفو هدف الخطوبه على التفاهم العقلي والارتياح النفسي

طيب .. ايه الي خلانا نجيب الحته دي واحنا بنتكلم عن العلاقات المنفتحه في الخطوبه واللي بتتطور والعياذ بالله وممكن توصل للزنا ؟؟

يا شباب يا بنات ياللي بتنفتحو في الخطوبه هذا الانفتاح الخطير يا آباء يا أمهات هدف الخطوبه ارتياح نفسي والنقطه التانيه تفاهم عقلي

يبقى الموضوع ايه .. لو الغرائز دخلت .. لا هيحصل تفاهم عقلي ولا هيحصل ادراك من عقل الأخر ويفهم التاني عاوز ايه .. ولا النفس هتطمئن وتسكن ان النفس التانيه دي مناسبه ليها

علشان كده الاسلام قال ان خطيبتك دي أجنبيه بالنسبه لك زيها زي غيرها وكل المطلوب في الفتره دي ان يحصل التفاهم

يبقى ايه المطلوب في الفتره دي ؟؟ المطلوب انكم تفهمو بعض .. بس

يعني لو انطلقتو في العلاقه . أنا عاوز امسك ايدها وأقبلها ونسافر سوا ونجهز شقتنا سوا فنبقى فيها لواحدنا

مش هيحصل الهدف يا جماعه

ربنا خلى الزواج في الاسلام يتم على مراحل .. المرحله الاولى يتقدم .. التانيه يخطب .. التالته يكتب كتابه .. الرابعه يتجوزو

كأن التدرج ده هدفه ايه .. واحده واحده .. علشان يحصل التفاهم الشديد في النهايه


انااااا طولت جداااااااااااا

نكمل المره الجايه ان شاء الله

يتبع ..........





5 أبريل، 2011



حمدالله على سلامتي أولا وقبل كل شىء ، بما اني من يوم خطوبتي وأنا منتظره العين هتيجي فايه بالظبط

الحمدلله جات فيا أنا والميكروباص دخل في العمود ومحدش اتعور الا أنا والسواق

الحمدلله جات سليمه وعدت للملاعب بعد أسبوع واحد من الحادثه والحمدلله أعاني من كدمات بسيطه

وشويه رضوض وكسر في عظمايه واحده وكام بقعه وارمه كده

المهم الحمدلله

أحلى حاجه في الموضوع ان كل الي شافو البوست الي فات فكروني فسخت الخطوبه

انما في الواقع أنا بس لما بتعب شويه بيصعب عليا نفسي وبكتئب

وبس

الى لقاء جديد



 بـــعــــشــــقــــك

علشان هواك بقى عندى اغلى من الحياة



لو قلت اه بقــــــــــــول بدالك الــــــف اه


وكأنك انت فى دنيــتى طــــــــوق النجاة


وان قلت ابعد اخاف لبـــــــــعدى يكسرك

 بـــعــــشــــقــــك


نفسى تعرف قبل مـــــــــــــــا الايام تفوت


اني عشت العمر لــــــــيك من غير شروط


وان خيرونى أعيـــــــــش معاك ولا اموت


مبقتش اخاف من الموت وخايف اخسرك

 بـــعــــشــــقــــك


الحيـــــــاة والدنيــــــــا بعـــــدك تســـــوى ايه


لو مكنـــــتــــش جنب منى اعيشـــــــــــها ليه


ده انــــــت لو طــــــــــــــولت بــــــــــــــــعدك


مش هـعــيش فى الدنــيــــــا بعـــــــــــــــــدك


مهما تعـــمل فيـــا برضه انـــــــــا روحى فيك
وان بعدت انا برضـــــه هاجــــــى اسال عليك


بعنى مهما حصلى منك مستحيل تبعدنى عنك
 بـــعــــشــــقــــك


ازاى بقيت بعشق معاك حتى الاهات


مبقتش امل من انتظارك بالسـاعات


واما بشوفك العتاب يصـــبح سكات


وانسى امـــا تيجى اسالك ايه اخرك

 بـــعــــشــــقــــك

مش مــــــهم تــكون قريــب او بــعـــيد


ده انت حـــــبك كـــــل يوم عــمال يزيد


وانت عــــارف انى مش هنـــساك اكيد


وانت ان نسيتنى انا اللى هاجى افكرك

 بـــعــــشــــقــــك

3 أبريل، 2011

ســامحني ..



يارب انت اللي بس رحيم

بــلــم همومي واشكــيلك

عشان عارفك تملي كريم

بمد ايديــــا وادعيــــــلك


سامــــحني لأني عبد ضـعيف

متــــــاع الدنيا آه شغــــــلني

نــــسيـــت الآخــره والجــنه

نسيت وندمت فوقت وجيـت

وطمـعان نفسي ترحمــــني

وبعد ده ايـــه انـــا اتـــمنـى


طمعان كمان على نفسي قويني وتهديني لرضاك

ويكون كمان طه الامين هو الشفيع ســاعة لقاك

دمعي كتير لكن هيبقى أد ايه جـــنــب الذنــــوب

ندمان كتـــيـــر وبقلبي جاي وعايــز اتـــــــوب


سامــــحني لأني عبد ضـعيف

متــــــاع الدنيا آه شغــــــلني

نــــسيـــت الآخــره والجــنه

نسيت وندمت فوقت وجيـت

وطمـعان نفسي ترحمــــني

وبعد ده ايـــه انـــا اتـــمنـى

...............................................................

يارب أنا تعبت .. أنا بجد تعبت ونفسي أفرح زي الناس

26 مارس، 2011

إوعـدني ..





 
في عنيك لقيـــت نــفــسـي

حبـــيـــبي احــضــني أوام
 

طول عمري كـــان نفسـي

أنـام وأقــــــوم في غـــرام
 

اوعـــدني مــتســـيبـنـيش

اوعـــدني قــــــولهـــــالي

خليـــــــك كده حاضــــني

وان غـــبـــــــت تعــــالالي
 

اوعــــدني متسيبنيش

اوعـــــــدني قولــهالي

خليــك هــنا ف حضني

وان غــبت تعــــــالالي
 

يا حبيبي عايزك توعدني

تفضل معايا وفـ حـضني

ولا يوم تروح تغيب عني

 
روحــــــــي فيــــك
 

ازاي تقـــــــول أبعد عــــنك

ده انا بنسا نفسي وبفتكرك

وفـ كل ثانيه أنا بـحــتاجلك

روحــــــي فيــــــك


. . . . . . . . . . . . . . . . . . . . . . . . . . . . . . . . . . . . . .

أنـــــــــــا بجد

 بــ B ـــــحـــ A ـــــبـــ H ـــــكـــ E ــــ

 أوي

26 فبراير، 2011

عايز أصاحب !!! (2)


 


السلام عليكم ورحمة الله وبركاته

نكمل في موضوعنا اللي فات

وقفنا المره اللي فاتت عند

الصحوبيه .. هي حلال ولا حرام ؟؟

وقولنا اه طبعا حرام بنص القرآن

هي الصحوبيه موجوده في القران ؟؟

اه الصحوبيه موجوده في القرآن

موجوده مرتين .. مره للستات ومره للرجاله

طب ليه حرام ؟؟ هي العاطفه دي مش ربنا خلقها فيا ؟؟ يعني هو انا الي حطيتها ف نفسي ؟؟

هو انا فايدي اتحكم في مشاعري؟؟ ليه يارب ..

يعني ليه الاسلام بيضغط علينا ف حاجه .. هي حاجه جميله جدا ؟؟ ليه الاسلام بيضغط علينا في الناحيه دي

هو انا مش عاوزة ابدأ بقال الله وقال الرسول فتبقى هي حرام .. وهو الصح اني اقول كده

انما انا بكلم الشباب .. فخلينا نتكلم بالراحه وبعدين في الاخر نقول قال الله وقال الرسول

تعالو نبدأ بايه ؟؟؟؟؟؟

تعالو نشوف الصحوبيه دي ايه أسبابها وايه دوافعها ؟؟

هنلاقي ان الاسباب هي كالآتي :

الحاجه للحنان والحب

التطور .. اه ماهي الدنيا بتتقدم وانا عاوز اواكب العصر

الضغوط والتفكك الاسري

الفراغ والتسليه

صعوبه الزواج .. فأعيش قصه حب لغايه ماجي اتجوز

ممكن للولد علشان يثبت رجولته .. يعني زي ماالاولاد التانيين عاملين وبردو للبنت انا مش معقده لان هيتقال عليا معقده لو مش صاحبت

حب الاستطلاع والرغبه في التجربه

الافلام والاعلانات كلها مليانه قصص حب

القدوة السيئه .. لما واحده تشوف اخوها مصاحب .. طب ليه حرام عليها ؟؟؟

في استطلاع رأي اتعمل على أحد المواقع من مده

في رأيك كشاب .. ماهي دوافع الصحوبيه ؟؟

دخل عليه 4045 شاب

وكانت النتيجه :

الفراغ وتسلية الوقت 32%

الحب 12%

الزواج 9%

الغرائز 38%

أخرى 8%


ونفس الموضوع للبنات

في رأيك كفتاه .. ماهي دوافع الصحوبيه ؟؟

وصوت عليه 4630 بنت

وكانت النتيجه  :

الفراغ وتسليه الوقت 33%

الزواج 22%

الحب 19%

الغرائز 11%

أخرى 12%

والمفجأه ان الجميع كان متوقع ان النسبه عند البنات في الزواج والحب تكون 99%

لكن طلع ان الفراغ وتسليه الوقت 33% ودي نسبه تخوف

آدي الاسباب .. آدي الدوافع .. وانا كلامي هيكون اكتر للبنات

شوفتي .. دوافعه غير دوافعك خالص .. شوفتي الفراغ كام والغريزه كام ؟؟؟

افتكري النسبه دي كويس وفكري فيها

طيب .. شوفنا الاسباب وشوفنا الدوافع

نرجع بقى .. ليه الصحوبيه حرام وليه ربنا قال انها حرام ؟؟

تعالو نشوف نتائج الصحوبيه

أقولكم نتائج الصحوبيه ايه ؟؟؟

تعالو نسأل نفسنا سؤال ...

اذا كان الدافع من الصحوبيه هو الزواج . كم % من قصص الحب بتنتهي بالزاوج ؟؟؟؟

جاوبو على السؤال ..

وهو ده الي هنقوله المره الجايه ان شاء الله علشان انا كده طولت عليكم اوي

ولغايه المره الجايه .. استودعكم الله الذي لاتضيع ودائعه

يتبع  ..................


 

ده لينك الجزء الاول للي مش تابع من الاول

18 فبراير، 2011

انا عايز اصاحب !! (1)



اعاده بدايه الموضوع لانه نزل ايام امتحانات ومش لقى متابعه جيده





أنا هتكلم النهارده عن مشكله من مشاكل الشباب قبل الجواز

مشكله أساسيه ، لها علاقه بالبيوت بعد الجواز والحب بالجواز

بنتكلم على ايه ؟؟ مشكله بيعاني منها الشباب

المشكله دي هي المصاحبه ... الحب

أنا عايز أحس بحب وعايز يبقالي واحده أحبها وتحبني ، ويكون بينا وبين بعض علاقه

أنا عايز أصاحب ..

تعالو نشوف مع بعض العلاقه دي هيكون شكلها ايه ؟؟ وعاوزين نقول للشباب عنها ايه !!

الاول تعالو نعرف علشان نبقى متفقين مع بعض .. يعني ايه صحوبيه ؟؟

يعني هي زميلتي في الجامعه ، في نفس الصف ،

أو هي معايا في الشغل ولازم نشتغل مع بعض علشان المدير قالنا لازم نشتغل سوا ؟؟؟

لا يا جماعه ده موضوع تاني

ان ظروف الشغل اقتضت اننا نشتغل ونتكلم مع بعض كتير ؟؟؟

لا مش ده الي انا بتكلم عنه .. أنا بتكلم عن حاجه تانيه

أنا مش بتكلم عن زماله احنا محطوطين فيها ، أنا بتكلم عن صحوبيه

وأقصد ايه بالصحوبيه ؟؟

هي ببساطه كده .. يعني أنا عندي 18 سنه وهي عندها 16 سنه

أنا عندي 20 سنه وهي عندها 17 سنه ، واحنا الحقيقه بنحب بعض جدا ، ومنقدرش نعيش من غير بعض

وهو الحقيقه أغلى حاجه في حياتي ، وأنا متخيلش الدنيا من غيره

واحنا ان شاء الله طبعا هنتجوز ، آه اكيد .. احنا منرضاش أبدا ان احنا نعمل العلاقه دي كده في الهوا

احنا عاوزين نتجوز ان شاء الله بعد عشر سنين كده

أما يبقا هو قادر ع الجواز وأبقا أنا قادره ع الجواز

هنتجوز ان شاء الله لما يكون هو جاهز واحنا ان شاء الله اتفقنا على كده

وأنا الحقيقه بعتبره هو كل حاجه في حياتي وهو بيعتبرني كل حاجه في حياته

واحنا بنتقابل بقا وعايشين حياتنا مع بعض ، أنا الحقيقه بعتبره زي ما يكون خطيبي بالظبط

ده كده يعني توصيف بسيط لحاجات كتيره أوي موجوده عند الشباب ، يا اما شباب وبنات مش عارفين يعملوها لكن بيتمنوها

طب العلاقه دي بتنشأ ازاي وفين ؟؟

هي الحقيقه أكتر مكان بتنشأ فيه الجامعه ، أو المدرسه أو الدروس الخصوصيه

يعني كلها الحمدلله في مجال العلم .. وده من الطرائف .. ان الحاجه الاساسيه الي بتنشأ فيها الصحوبيه هي المؤسسه التعليميه

طب وبتنشأ فين تاني ؟؟

في المصايف ، في المولات وفي النادي ، وبتنشأ بطريقه قديمه هي عباره عن التليفون اللي اتطور دلوقت وبقا الشات

ودي بقت طريقه سهله وبسيطه ومفيش عليها اي رقابه

طب هي الصحوبيه .. نشأت بقالها أد ايه ؟؟ يعني هل هي ظاهره طبيعيه أصليه ، ولا هي ظاهره جديده ؟؟

لاهي في الواقع ظاهره جديده نشأت في اخر 60 سنه بس

يعني في الاربعينيات مكانش في حاجه اسمها صحوبيه ، لان النسا مكانتش محتاجاها

طب هي الصحوبيه حلال ولا حرام ؟؟

يعني بعد المقدمه دي .. من الاخر كده .. الصحوبيه حلال ولا حرام ؟؟

لأ .. الصحوبيه حرام طبعا

طبعا حرام !! 

ليه طبعا حرام ؟؟؟

دي طبعا حرام .. بنص القرآن

هي الصحوبيه موجوده في القرآن ؟؟؟

آه موجوده في القرآن .. مرتين .. مره للستات ومره للرجاله



يتبع ........