">
">
٧ أغسطس ٢٠١٠
السلام عليكم ورحمة الله وبركاته
ــــــــــــــــــــــــــــــــــــــــــــــــــــــــــــــــــــــــــــــــ
الجواب طبعا باين من عنوانه
" المدونون سيئو السمعه "
اول ما دخلت عالم التدوين ده كنت شايفاه مش زي اي عالم تاني
يعني كنت بحسبه كله نظيف
لغايه ما عن طريق الصدفه عرفت ان في واحد من المدونين مش كويس
ولاحظت من التعليقات انه بيحوم حوالين واحده مدونه
قولت استشير واحده ليها باع طويل مع التدوين وعارفه معظم الناس
ولما سألت عن الشخص ده مين ... قال ايه انا مرضيتش اقول
راحت ادتني 3 امثله لمدونين
قولتلها يالهووووووووووي كل دول ؟؟
قالتلي امال انتي فاكره ايه .. انتي جايه منين يابنتي
المهــــــــــــــــــــــــــــــــــــــــــــــــــــــــم
في اللقاء التجريبي الي كان عندنا في الجامعه فتحت الموضوع ده
وفوجئت بالردود عن ناس لايمكن نتخيل انهم مش كويسين
انا هتكلم عن شخصيه معينه .. دي شخصيه مذكره
انا شخصيا كان لايمكن اصدق انها على رأس قائمه المدونين سيئي السمعه
هو في الحقيقه انا مش جمعني اي حوار مع الشخصيه دي الا من خلال التعليقات في المدونات
لكن كنت بعتبره شخصيه محترمه يمكن لان مدونته بتقول كده ويمكن لان مركزه ومهنته بيقولو كده
وجايز بسبب سنه انه مش صغير على لعب العيال
من مده دخلت واحده شتمته في مدونته وانا استغربت جدا ان انسان محترم زي ده حد يغلط فيه
ولان الصدفه كانت هتجمعني بشغل معاه قولت استفسر الاول
واحسن كلمه اتقالت في حقه " ده شخصيه زباله "
مع الاعتذار عن اللفظ طبعا
والجميل في الموضوع ان التعليقات عنده مش بتقل عن 40 - 50 تعليق
انما بحق ربنا هو يمتلك موهبه جباره ومدونته جميله
انا في وقت قررت ادخل واكتب القائمه كلها وكل الناس الي معروف انهم مش محترمين بين المدونين
علشان نقاطعهم
بس بصراحه لقيت ان مفيش اسهل من واحد غير معرف يجي يغلط فيا انا هههههههههههههه
قولت امشي جنب الحيط احسن
لكن بصراحه الموضوع استفزني جدااااااااااااااااا
.................................................................................................................
الموضوع ده مش تشهير بحد . ده علشان كل واحد ياخد باله
وكل واحد مش محترم يعرف انه مكشوف وكلنا عارفينه
وكل واحد مش محترم يعرف انه مكشوف وكلنا عارفينه
.jpg)
على أجدع شخصيه بعالم التدوين
وحشتينى يا قمرتى كتير كتير كتير
هى دى سنة الحياه
المهم اننا نخلى بالنا بعدم الاحتكاك باللى زى دول وخلاص
تحياتى ليكى
ياكسوفى يانى
كان زمانى تانى تعليق بس اعمل ايه بس النور قطع الهى يولع فيه
عاااااااااااااااااااااا
عالم التدوين ده فيه شوية رجاله عاوزين الحرق والضرب بالجزم وتكون ولا مؤخذة مش نظيفه وتكون اوسخ جزمه كمان صدقينى
لانى عاصرت اشكال وسخه تحسى انها محترمه وكويسه وهما زى التعابين بتدلع من تحت لتحت
دى مش اول مدونه أعملها ولا التانيه ولا التالته دى سادس مدونه
من اللى شفته مناس ربنا ينتقم منهم اشد الانتقام يلا وعلى فكره كان من ضمنهم الشخصيه اللى اتكلمتى عنها لانى عرفتها
ربنا يكفينا شرهم الحمد لله حبيبى قالى نعمل مدونه مشتركه وسيبك من العالم ده ونبتدى مع ناس تانيه نضيفه وده بالفعل اللى عملناه والحمد لله
خلى بالك من نفسك كويس ومش تفتكرى انك صوابعك زى بعضها
ومعتيش تدى الامان لاى انسان واقطعى علاقاتك بالناس دى
نصيحه من اخت بتحبك فى الله وعاصرت وشافت البدع فى عالم التدوين
سلام يا قلبى
امووووووووووووووووووواه
توتا
أجدع شخصية مره واحده
ايه ده
أنا شكلي هاخد في نفسي مقلب ولا ايه
عندك حق والله
وأنا عارفه الكلام ده
انما كنت متوقعه ان هنا محدش جاي يتعرف أو يقل أدبه
هههههههه
ولا كسوف ولا حاجه بتحصل في أحسن العائلات
يا نهار أبيض
6 مرات
ليه كده
أنا ان شاء الله مش ناوية أغير دي خالص
ربنا بس يبعد عنها أي زائر مش محترم
علشان مش اضطر اني اقفلها
نسيت أقولك حاجه
مش شرط تكوني عرفتي الشخص الي أنا أقصده
المعلومات الي أنا قولتها دي تنطبق على أكتر من 3 أشخاص من ذوي السمعه المنيله بستين نيله
بس فعلاً ممكن حد يشوف شخصيه شبه مثاليه عالنت وتطلع زيروووو عالحقيقه !!
ربنا يكفينا شر سيئو السمعه .. ويصلح من احوالهم ..
طبعا ياما ناس بتخبي أكتر ما بتظهر
والنت ياما بيخبي
ربنا يبعد عننا كل سوء يارب
نورتيني
وفجأه لاقيت ناس بتسب وتلعن فى ناس وبيبوظوا سمعة بعض بصراحه خفت من التدوين
بس هقلك كويس أنك عرفتيه
وربنا دلك على الطريق الصحيح
بس فى الأخر كلنا المفروض نتعامل مع بعضنا باللى يرضا بيه ربنا
تحياتى
وبالله عليكى أنا مش ناقصه خوف
المدونين مش ملايكة دول بشر
ربنا يهدينا جميعا
تحياتى
ازيك ياقمر
كلامك مظبوط والكلام دا اتقالى على ناس كتير
بس صوابعك مش زى بعضيها يعنى متعمميش ان كلهم مش محترمين
فيه ناس برضو كويسين
اهم حاجة اننا نتعامل مع اى حد اى ان كان بحزر
وانتي بألف خير
أنا مش هينفع أرفضلك طلب زي كده
لكن أنا قولت البوست ده مش للتشهير بحد خاصة اني مش عندي دليل على أي مثال من دول
كل ده كلام على لسان ناس لكن أنا مش اتعاملت مع حد مباشرة علشان أقدر أحكم
كل الي أقدر أنصحك بيه إنك مش تزيدي علاقتك بأي مدون أو مدونة عن التعليقات الا لما يكون في ضروره
وتأكدي ان ردي عليكي مش هيفيدك كتير لأن إذا في شوية معروفين هتلاقي أضعافهم مستخبين
يبقا الواجب عليكي الحذر من الجميع
عملا بالمثل "حرس ولا تخون"
إنما لو انتي شاكه في حد معين أنا ممكن أجاوبك
بعتذر جدا اذا كنت خذلتك لكن أنا مقدرش أخص حد بكلامي
منوره وربنا يحميكي من كل أذى
ياحبيبتي ولا تخافي ولا حاجه
أنا مش بقول كده علشان تخافي
الغرض من البوست كله ان كل واحد يتعامل بحدود
مفيش مانع من وجود علاقه صداقه محترمه لكن في حدود التعليقات وده جميل وده ابداع ودي مش كويسه بس
مش لازم العلاقه تزيد عن كده الا بعد التأكد من سلامه نوايا الطرفين وده صعب جدا
يبقا نبعد أحسن عن الشر
منوراني
وعليكم السلام
محدش قال غير كده
بس المقصودين بالبوست ده مش بشر دول شياطين
نورتي
أنا الحمدلله بخير
صح كلامك . هو ده الي أنا قصدته "الحذر" بس مش أكتر
نورتي
أولا السلام عليكم
ثانيا
احنا مش عارفين مين فينا هتكون خاتمته ازاي الله اعلم فأنا شايف انك مش تقولي عنه زبالة يمكن ربنا يريد له بالخير ويكون في يوم من الايام أحسن مني ومنك
اسمعي كلام بابا بدال ما أملصلك ودانك
صباح الحير يا قمر
نورتينى يا مروه ويارب متكنش الزياره الأخيره
كل سنه وانتى طيبه
ورمضان كريم
دمتى بخير
والله يا بابا ماقولت عليه حاجه
أنا يعني كنت أعرفه منين
أنا بقول دي أحسن كلمه اتقالت في حقه
أنا مش قولت حاجه ده أنا بحترمه جداا
تملص وداني??
يالهوي, ده بابايا بقاله 19 سنة مش بيهددني كده وبابا هيثم متبنيني من سنة ونص ومش بيقولي كده (بيقولي هكسر رقبتك بس)
وحضرتك لسه بقالك كام شهر وعاوز تملص وداني؟
هههههههههههههههههههههههههه
كله شغال
ياريت والنبى اشوف بابا يملص ليا ودانى انا كمان يا مرموره
هههههههههههههههههههههههههه
هع هع هع
وعجبى
على الجى وكبرى الدى
وياما لسه هنشوف
والتعلب فات فات وفى ديله سبع لفات
هههههههههههههههههههه
هتلاقي مدونين صريحة.. سفلة ومدونتهم صريحة جدا اباحية
وهتلاقي مدونين .. بوشين مع المحترم بيحترم نفسه ومع اللي مش مظبوط بيقى اوطى منه
وهتلاقي مدونين.. محترمين بجد وملهامش وش تاني
فيه وفيه.. وطبعا فيه من النوعين مش بس مدونين رجالة لا وكمان الستات ينطبق عليها القول
غير اني عايزة اقولك حاجة مهمة
عدد التعليقات الكتير معناه الانتشاااار.. ومالوش علااقة لا بالشهرة ولا بنظافة المدونة
تقبلي مروري .. تحياتي
مش بس عالم التدوين
كل سنة وانتى طيبة يا قمر
أختى الفاضله
أنا أول مره أزور مدونتك الجميله
وبجد لفيت كتير فيها عجبتنى جدا جدا
بالنسبه بقى لموضوع سيئو السمعه
دول فى كل حاجه مش فى التدوين بس أو على الفيس بوك
او على الشات
لالا
فى كل مكان
ومن الجنسين علشان منبقاش ظالمين حد
بس أنا ليه أبص للجانب الوحش
طيب ما الوحش وحش هو حر
بعيد عنى
أقطع أى صله بيه أو علاقه
ومع نفسه بقى
وحذرى كل القريبين منك
وعرفيهم هو ايه
وسيبك منه خالص
لحسن كده هتخليه حد مهم
وتديله اكتر من حجمه اللى هو أكيد عارفه
أنا سعيد جدا بمرورى على مدونتك الجميله
ياريت تتقبلى مرورى
وكل عاكم وأنتى بألف خير
رمضان كريم
تحياتى لقلبك الطيب
محمد التركى
كل سنه وانتى طيبه
نصيحه من بنتك المخلصه
ههههههه مشيها بنتك
لما تلاقي حد وحش ولا كإنك تعرفيه
ممكن تحاولى تنصحيه مقبلش إبعد أحسن
وحاولى تفهميه بطريقه غير مباشره
لانه ممكن يغلط فيكى
تاتاتا
جبت التايهه انا
يلا بيس يا قلبي
طيب لما يجيوا ياخدوا بالثار
على قد ما انا نفسى اعرف مين لكن افضل انى معرفش
وربنا يسترها عليناوكل واحده تخلى بالها من نفسها كويس
كل سنه وانت طيبه يا قمر
رمضان كريم
والمدونين بشر زى كل البشر
يعنى بلوجر مش الجنه...والمدونين مش ملايكه
يعنى فيهم المحترم وفيهم غير ذلك
وطبيعى اننا منكتشفش حد من مجرد القرايه ليه
بس السؤال الى فارض نفسه
احنا عاوزين ايه من المدون الا شويه افكار كويسه
يعنى مثلا سيد مكاوى حشاش بس احنا بنحب الزيكا بتعته
وبليغ حمدى بتاع ستات بس احنا ملنا احنا بنسمعه بس
وكل المثلين زباله او اغلبهم بس احنا ملنا لينا فنهم بس
القصد المفروض منقربش من حد لدرجه نشوف الديفوهات الى موجوده فى وجهه
انا وانتى بنشوف القمر جميل لكن لو طلعنا عنده وقربنا منه هنلاقيه خرابه
انا طبعا مش بدافع عن الناس دى لكنى بوصف ازاى نتقى شرهم
بوست جميل
تحياتى
بصراحه انا بعيده بقالى فتره عن التدوين ومعرفش انتى تقصدى مين بس اكيد ربنا موجود وهو قادر على كل شىء
وكمان صوبعنا مش زى بعضهم ابدا
وكله عند ربنا
تحياتى
لحسن تكونى فكرانى من سيئين السمعه دووول
دا انا والنبى سمعتى زى الجينه المصرى
فى حاااله ولا بيطلع ولا بينزل
علشان مقطعانى وبقالك كتير حتى مدخلتيش البلوج عندى تقولى السلاموا عليكوا :D
كل سنه وانتى طيبه
لازم يكون فيه اسود..
وعشان نعرف قيمة الابيض...
لازم نجرب الاسود..
تحياتي على البوست وعلى العنوان وكمان على......
.................
..................الصورة ;)
أخبارك اية دلوقتى
يارب تكونى أحسن وبخير
ربنا يطمنا عليكى يارب
دمتى بخير يا حبيبتى
-------------
وانتي بالف خير
شكرا لزيارتك
-------------
هههههههههه
خلاص هخلي بابا يتبناكي معايا
--------------
انا قصدي التوعيه ليس الا
كل سنه وحضرتك طيبه
خدينى امشى معاكى جنب الحيط والنبى
جميل جدا البوست ده تسلم اديكِ
.
اعجبنى مرورى من هنا فليتك تقبليه
ودى وإحترامى :)
-------
ياحبيبتي انا مش كتبت كده علشان الناس تتصدم
بس علشان كل واحد ياخد حذره
--------
دي الحقيقه المره
منوراني
-----------
وانتي بالف خير
منوره
------------
شكرا جزيلا لاطرائك على المدونه
رمضان كريم
دام التواصل
---------------
ازيك ياموني
يلا بنتي بنتي
ما انا عندي عيال اكبر منك
وشكرا على النصيحه
منورة
-------
وانتي بالف خير
------
لا يا حبيبتي الناس دي مش ليها ديه
منورة
------
هو ده بالظبط الي انا كنت اقصده
محدش يقرب من حد الا في حدود
مش لازم نعمل علاقات ضخصيه مع حد
--------------
وعليكم السلام ورحمه الله وبركاته
اولا حمدالله على سلامتك
ثانيا ربنا يقينا شرهم
نورتي من تاني
---------
هههههههههههه لا مش للدرجه دي
وانت بالف خير
--------
الي يعيش ياما يشوف
شكرا لاطرائك على المدونه
-------------
انا بخير الحمدلله
شكرا جزيلا لاهتمامك
سلامك وصلني
-------------------
ههههههههه ماشي
وحضرتك بالف خير
دام التواصل
بس مش كل المدونين سيئين السمعة دول بيبقوا قلة عشان اصلا المدونين دة مجتمع مثقفين على اعلى مستوى والدنيا فها الحلو والوحش
تحياتى ليكى وتقبلى مرورى
عيد سعيد عليكى وعلى كل احبابك يارب
لمعرفة إطلاعتكم فلو عايزين تحلو خير وبركه ، ولو مش عايزين متقلقوش الواجب مش هيتحط في أعمال السنة .
ما هي كتب الطفولة التي بقيت عالقة في ذاكرتك؟
مَنْ أهم الكتاب الذين قرأتَ لهم ؟
من هم الكتاب الذين قررت ألا تقرأ لهم مجددا؟
في صحراء قاحلة ، أي الكتب تحمل معك؟
ما هو الكاتب الذي لم تقرأ له أبدا ، وتتمنى قراءة كتبه ؟
ما هي قائمة كتبك المفضلة ؟
ما هي الكتب التي تقرؤها الآن ؟
اللي بعت الدعوه ؟
أرسل الدعوة لمدون واحد علي الأقل من أجل مشاركتنا باطلاعهم في القراءة ؟