">
">
٢٦ سبتمبر ٢٠١٠
السلام عليكم ورحمة الله وبركاته
.....................................................
اولا حمدالله على سلامتي
وشكرا لكل الناس اللي وقفت معايا انا الحمدلله كويسه وزي القرده
وشكرا لغير المعرف اللي هو السبب في الي حصل ده كله
والله انا حاسه بسعاده مش ليها مثيل
وبعيش حاليا حاله رائعه من السلام النفسي
بس كده
---------------------------------------------------------
نشوف بقا اول حلقه من سلسله جدد حياتك
ربنا خلقنا في الحياه يا جماعه علشان نعبده وبس
" وما خلقت الجن والانس الا ليعبدون "
لكن مفهوم كلمة عبد أو عباده متنحصرش فقط في الصلاه او في بعض الاذكار والركعات
وان كان ده اصل الدين لأن الصلاه عماد الدين
لكن وما خلقت الجن والانس الا ليعبدون محتاجين نعرف ان عباده ربنا سبحانه وتعالى هي علاقه بينا وبين ربنا في الروحانيات
الصلاه والذكر والقرآن
وعلاقه بينا وبين الناس في الاخلاق والمعاملات
وعلاقه بينا وبين الارض يعني نعمر الارض
العلاقه بينا وبين ربنا الي فيها الصلاه كما قال "صلى الله عليه وسلم : أحب الاعمال الى الله اصلاه "
ولما اتسأل " أي الاعمال احب الى الله ، قال : الصلاه على وقتها "
فمينفعش انسان يا جماعه يكون مجتهد في شغله وأخلاقه حلوة ومش بيصلي
لازم اقل حاجه يكون بيصلي الصلوات الخمسه علشان ميكونش قاطع الصله بينه وبين ربنا سبحانه وتعالى
وفي نفس الوقت علشان بكون انسان متزن مينفعش يكون مُصلي وعلامه الصلاه في راسه زي مابنشوف ناس كتير
لكن الناس مبتحبوش بسبب ان اخلاقه مش كويسه
لما النبي اتسأل عن المسلم في الحديث الي احنا كلنا واحنا صغيرين كنا بنسمعه
" من المسلم يارسول الله قال : المسلم من سلم المسلمون من لسانه ويده " النبي دلوقت لخص يعني ايه شخص مسلم
ليك علاقه بربنا جميله في الصلاه بتقوله : يارب اكرمني وارضى عني وانت كمان ارضا يارب وارزقني ووسع عليا
تطلع من الصلاه وانت واقف كده مؤدب بين يدي الله بنفس الوقفه دي مؤدب بين يدي الناس
الي ربنا سبحانه وتعالى قالك اوعا تطلع من الدنيا دي وانت مزعل منهم حد
ومتنساش " لايؤمن احدكم حتى يحب لأخيه ما يحب لنفسه " ده الايمان و ده الاسلام
والحاجه الاخيره " هو الذي انشأكم من الارض واستعمركم فيها "
انت خليفه على هذه الارض انت شغال في الارض دي والارض دي ملك لربنا سبحانه وتعالى
فلو كنت طالب اتقن الحاجه الي بتعملها ، لو كنت موظف اوعى تكون مش بتحلل قرشك بسبب الكسل في رمضان
يلا نعبد ربنا سبحانه وتعالى ونصلي
يلا نعامل الناس بأخلاق المسلم من سلم المسلمون من لسانه ويده
يلا نتقن اعمالنا علشان نعمر هذا الكون الي ربنا استخلفنا عليه
ـــــــــــــــــــــــــــــــــــــــــــــــــــــــــــــــــــــــــــــــــ
ولنا لقاء جديد ان شاء الله
.jpg)
ابنتي الغالية
بارك الله فيكي وهداكي وكفاكي
وابعد عنك شر الانس والجان
ربنا يسعدك
جزاكى الله خير على البوست الرائع
دمتى بخير
ربنا يسعدك
ياااارب
وجزاكى الله عنا خير الجزاء
متشكره على التذكره الحلوه دى
ربنا يباركلك يا أحلي ملاك ياقمر
جزاكِ الله خيراً
ناس كثيره المعانى البسيطه دى مش موجوده عندهالكن فذكر فإن الذكرى تنفع المؤمنين
بارك الله لكى وأسأله ان يجعله لوجه خالصا
-----------------
شكرا جزيلا يا والدي العزيز
-------------
شكرا جزيلا يا ايمان ربنا يخليكي
--------
الله يسلمك شكرا جزيلاااااااا
------------
شكرا جزيلا
-------------
ااااااااامين
--------
الله يسلمك يا دودو
منورة
-------------
شكرا يا مجنونه
-------------------------
شكرا جزيلا
معلش
كنت فاكر انى علقت هنا
بس اكيد النت فصل
معرفش ايه اللى حصل
موضوعك فى غايه الاهيه
ربنا خلقنا ليه
ياااااه
وما خلقت الجن والانس الا ليعبدون
بارك الله لكى