">
">
مبقتش
قبل أسبوع واحد
ايه رأيك في مدونتي ؟؟ علشان تعرفو أنا أد ايه متواضعه !!
ايه رأيك في مدونتي .."علشان تعرفو أنا أد ايه متواضعه"
لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق
٢٠ يوليو ٢٠٠٩
ليله .. زي أي ليله
.
.
مفيش حاجه مختلفه ..
.
.
غير اننا كلنا كنا سعداء لأن جدتي الحبيبه وافقت تقضي الليله معانا
.
.
ولما الساعه بقت 12 بعد منتصف الليل
.
.
جدتي قالت انها هتصلي قيام الليل قبل ماتنام
.
.
لربما تروح عليها نومه ومتصحاش غير على أذان الفجر
.
.
وكده يكون راح منها القيام
.
.
ومع اني أنا وأمي قولنا لها تدخل تنام وهنصحيها قبل الفجر
.
.
وهتلحق تصلي
.
.
لكن هي أصرت وقالت محدش ضامن الظروف
.
.
وفعلاَ صلت ودخلنا ننام
.
.
ومن حسن حظي انها شرفت سريري ونامت جنبي
.
.
وطول الليله دي وأنا مش جايلي نوم وده بالنسبه ليا شئ عادي
.
.
الغريب ان جدتي كانت هي كمان قلقانه
.
.
وكل شويه تقولي : الساعه بقت كام ؟
.
.
شويه وقرآن الفجر اشتغل
.
.
قولت أقوم بقى مش باقي عن الفجر غير ربع ساعه
.
.
وبعدي بخمس دقايق قامت جدتي الحبيبه
.
.
اتوضت وقعدت جنبي
.
.
وقالت : المروحه شديده عليكي كده هتاخدي برد
.
.
قولتلها : الوقتي نصلي ونقوم ننام تاني في الساونا الي حضرتك عاملاها لنا جوه
.
.
وبعد لحظات
.
.
لقيتها بتصرخ
.
.
نزلت عند رجليها
.
.
وقولتلها : مالِك ؟
.
.
قالت : الدنيا بتتقلب ؟
.
.
قولتلها : لأ مش بتتقلب
.
.
قالت : لأ بتتقلب ، الدنيا بتتقلب بيا
.
.
ولقيتها بدأت تُقع من على الكرسي
.
.
فأخدتها في حضني
.
.
وقولتلها : متخافيش مفيش حاجه
.
.
انتي بس دايخه شويه ، غمضي عنيكي وهتبقي كويسه
.
.
وبعد دقيقه
.
.
كل حاجه سكتت
.
.
مش باقي غير أنفاس
.
.
قولتلها : شوفتي محصلش حاجه يلا قومي بقى
.
.
الفجر أذن يلا علشان نصلي
.
.
بس مفيش رد ،
.
.
ولسه هدوء الفجر مخيم على المكان
.
.
ناديت على والدي ووالدتي
.
.
وجات أمي وأضاءت الانوار
.
.
وابتدت تنادي جدتي وتتوسل ليها ترد
.
.
بس كمان مفيش رد
.
.
وقتها أنا بصيت في وش جدتي علشان أشوف ايه الي رعب أمي أول ماشافتها
.
.
وأول مابصيت
.
.
.
لقيت عيونها مفتوحين
.
.
مش عارفه ايه الي حصل بعد كده
.....................................
طيلة ثلاثٍ وعشرون ليلة .. جميعنا يدعو لكِ بالشفاء
والكل يحلم بعودتك بيننا .. لتنيري أركان حياتنا
ولكن ..
قضاء الله فوق كل شئ
فقد اختاركِ أنتِ
ونَفِذ قضاؤه
......................................
رحِمك الله ياجدتي الحبيبه
فراقك صعب علينا جميعا
أبكى العين وأدمى القلب
أسكنكِ الله فسيح جناته
التسميات: انا لله وانا اليه راجعون
15 Comments:
مدونات أحلى ملاك. Blogger Templates created by Deluxe Templates.
WordPress by Newwpthemes | تعريب و تطوير : حسن
لله ما أعطى وله ما أخذ ولكل شئ عنده أجل
غفر الله لها ورحمها وأسكنها الجنة مع النبيين والصديقين والشهداء والصالحين وحسن أولئك رفيقاً
أحسن الله عزائكم وآجركم في مصيبتكم
تقبلي عزائي أختي الصغيرة
البقاء لله (واناإليه راجعون)
قلبى معك فما أصعب الفراق وبالأخص من نحبهم حب شديد ولا نقدر أن نستغنى عنهم ولكن حال الدنيا ناس تتولد وناس تموت,الموت علينا حق جميعا, وكما يقال الموت كأس دائر الكل شاربه.
الموت يأتى ليقربنا من الله ولنكون أقوى وأشد إيمان والأهم الصبر على الإبتلاء.
تذكريها بالخير دائما والدعاء,ربنا يرحمها يارب ويرحم موتانا جميعا.
إنا لله وإنا إليه راجعون
بجد والله اتا اتأثرت اوى
ربنا يرحمها برحمته يارب
مش هينفعها غير دعائنا وطلب الرحمة ليها وربنا يقوبكى
البقاء لله ربنا يرحمها
ويرحم جميع موتى المسلمين
وربنا يجعلها اخر الاحزان
فى حفظ الله
------------
د/هيثم
.......
نهر الحب
.......
اســـلامـ
.........
ليس فقيرا من يحب
...............
شكرا لكم جميعاً
.......
الحمدلله على كل حال
أديني عايشه وراضيه
شكرا لسؤالك وعزائك
إنا لله وإنا اليه راجعون
لله ما اعطى ولله ما أخذ
ربنا يجعلها اخر الاحزان عليكم يارب
ربنا يسكنها فسيح جناته
وينور قبرها ويجعله روة من رياض الجنة
ويجعل القرآن انيس ورفيق لها في القبر
عليكـِ بالدعاء لها حبيبتي وقراءة القرآن
وعليكـِ ايضا بالصدقات الجارية
البقاء لله
وان لله وان الية راجعون
----------
عماد خلاف
---------
انا لله وانا اليه راجعون
شكرا لكما
نورتم المدونه
ولو اني كنت اتمنا تشوفوها في موضوع تاني غير كده
اتمنا دوام التواصل
ربنا يصبرك
---------------
البقاء لله
شكرا
بجد انا مش عارف اقوللك ايه بجد ربنا معاكى
انا بجد جسمى اوى ما قريت اللى حصللك مش عارف
اصلى انا شوفت جدى وانا صغير من بعيد و هو ميت
بجد ربنا معاكى بس احب اقوللك حاجه لزم تعملى ل جدتك صدقة جارية
--------
البقاء لله
الموت أصعب أنواع الفراق
وصعب جدا جدا
شكرا لتعزيتك
وشكرا لمرورك بمدونتي
تحياتي