">
">
مبقتش
قبل ٣ أيام
٢ أغسطس ٢٠٠٩
.
.
.
ايه الحكايه ياجماعه
أنا أول مابدأت تدوين
جالي زياره من أحد المدونين
ولما روحت أشوف المدونه بتاعته
لقيت آخر موضوع انه هيقفل المدونه
والنهارده لقيت بردو حد من المدونين بيقولي أنا خلاص هقفل المدونه
طيب ده يطلع ايه بقى ان شاء الله
يعني انتم تعلقوا الناس بيكم وبعدين تقفلوا المدونات
طب من الأول ليه بتعملوها
كل يوم والتاني نلاقي حد بيقول انا هقفل المدونه
تقريبااااااا هي شوطه ماسكه في المدونين
والله أنا بقيت خايفه أصحا الصبح ألاقيني قفلت المدونه في الحلم
لأ وايه تلاقي أسباب غلق المدونه تندرج تحت نطاق الملل
ملل ايه بس دي مدونه
وأنا في رأيي الشخصي
ان الي يبعت بوست يقول أنا هقفل المدونه ياجماعه
بيكون شويه فاقد حنان
ومحتاج حد يدلعه شويتين
يعني عاوز الناس تجري تقوله والنبي بلاااااااش تقفلها
بصو بقى
أي حد أنا أعرفه أو بتابع مدونته من المدونين
قرر في يوم انه يقفل مدونته
أنا هغتاله وأتاويه
بس بقى
وأهو بكده المدونه تتقفل غصب
ويبقى قضاء وقدر
ملحوظه أخيرة
عزيزي الزائر
تأكد أنك ضمنت تعليقك موعد غلقك للمدونه (نهايتك)
علشان ألحق أجهز العده
تمت
هو انا ممكن اكون اول تعليق
لما نشوف
دا انا واعوذ بالله
من قوله انا اول تعليق
هييييييييييييييييييييييييييييه
شوطه اليومين دول
بس محدش يقدر يسيب
التدوين صعب صعب
هما يومين ولا حاجه الواح بيهدى اعصابه
وتلاقيه راجع تانى
ده تغتالى وتتاوى كمان
خط الصعيد ولا ايه
ويا بخت من زار وخفف
هههههههههههههههههههههههههه
تصدقى كنت بفكر فى كده النهاردة
أه والله بس رجعت أقول ليه؟
بس أنا شخصيا عمرى ما بعتبر التدوين ملل فمنذ دخلت معكم عالمى وعالمكم الخاص أشعر وكأنى فى عالم جميل بعيد عن الخداع ,عالم أخوى دائم ورائع أشعر فيه بالسعادة دائما وأبحث عنه.وأتمنى أن يكون عندى نت فى البيت لاكون فى تواصل معكم دائما ان شاء الله.
كل سنة وانت طيبة
خالص تحياتى
نهر الحب
تقريبا الناس ملت او زهقت او بقيوا مشغولين
انا جربت وقفلت المدونه قبل كده بس بينى وبينك ماقدرتيش
لقيت نفسى بكون عايزه اقول حاجات كتير معرفش اقولها الا هنا وساعات بكون عايزه اخد رايكم فى حاجات وساعات تانيه بحب ان افيد غيرى بحاجه قريتها
انا جربت وقفلت المدونه وبعدين اتاكدت انه من قمه الذكاء ان يكون عندك مدونه تعبرى فيها عن نفسك وتقولى اللى فى نفسك وتاخدى راى غيرى هتستفادى كتيييييييييير
دمتى بكل خير
والسلام ختام
هو زي ما انتي قلتي وعجبني رأيك الناس بتفتقد للتشجيع والشعور بالذات أو للحنان على حد وصفك
بس حالات الذهق دي عاديه وبتحصل للكل وانا رأيي ان الواحد يدخل يسيب تنويه يقول فيه انا هاخد اجازه شويه وخلاص , وبعد ما يهدى ويرتب أفكاره يرجع تاني لأنه بصراحه اللي اتعود يعبر ويشارك الناس آرائه صعب قوي يبطل كده
تحياتي ,
بس اوعي ادخل عندك يوم الاقيكي هتقفلي المدونه
بس بعد تهديدك المرعب لا طبعا استحاله
ههههههه
ازيك يا قمر وحشانى
وكل سنة وانتى طيبه
رمضان كريم
تحياتى
سهوره
---------------
آآآآه ياستي طلعتي أول تعليق
ابقى فكريني اجيبلك مثاثه
---------------
ياحبيبتي ماهما يومين الواحد يهدي اعصابه ماشي
بس احنا الي بيتنكد علينا
وبالنسبه لاغتاله واتاويه
فاطمني
أنا من المنصورة
لكن واضح ان الكلمات دي طلعت من العقل الباطن
لاني بوجه البوست ده لحد من الصعيد
---------------
اه على رأيك يابخت من زار وخفف
5 تعليقات لواحدك يامفتريه
يلا ياستي البيت بيتك
يارب حتى تنزلي خمسين تعليق
---------------
لالالالالالالالالالالالا
البيت بيتك ايه ده انتي استخسرتي فيا المثاثه
على الله ألاقيلك بعد كده أكتر من تعليق
فعلا فعلا هتاويكي
نورتيني ياقمر
دمت ودام التواصل بيننا
تحياتي
-------
وعليكم السلام ورحمة الله وبركاته
طيب كويس جدا انك رجعتي في كلامك
بس افتكري تقوليلي هتقفلي مدونتك امتى؟
تحياتي
نورتيني
---------------------
ههههههه
ده الناس شكلها كانت ناويه على النيه دي
طب كويس انك لحقتي نفسك ومش قدرتي
نورتي المدونه
تحياتي لكِ
--------------
يا مرحبا يا مرحبا
من بين كل خمس مواضيع تعلق على واحد
ماشي
عموما عاش من شافك
بس كويس جدا ان رأيي عجب حضرتك
يعني حضرتك معايا ان الواحد لما يقفل مدونه
يبقى فاقد شويه حنان
"" طب والي يقفل تلاته ؟؟؟ ""
والحمدلله اني "هكذا أفهم" مش كده بردو يادكتور "محمد فوزي"
أولست مالكا لمدونة "كاريزما" القديمه ؟؟؟
(وش بيغمز بيعينه وبيقول طبعا فاهمني )
كده نبقى متفقين اني المفروض اغتال حضرتك 3 مرات بأثر رجعي
وآآآآآآآه لو تعرف مين السبب الي خلاني اكتب البوست ده
شكرا لمرورك
تحياتي
-------
كويس
شكلك بتخافي
أنا الحمدلله تمام
بقيت آيله للانتحار
كل سنه وانتي طيبه
تحياتي ونورتيني
إيه ده إيه ده , انا متراقب وتاريخي معروف قوي كده؟
بس على فكره انا قولت اللي يدخل يكتب في مدونته انه ذهقان وتعبان ومصدوم من الدنيا ومن الناس وقرر يعتزل ويسيب التدوين وحقيقي هتوحشوني وحبيتكم قوي بس معادش ينفع اكمل ههههه , اهو السيناريو ده اللي بيبقى صاحبه ناقص حنان وعاوز الناس تعمل ثوره وتطلع تنادي بإستمراره
إنما انا معملتش كده انا دخلت ولعت في المدونات مره واحده وبدون سابق إنذار , وبعدين لما رتبت أفكاري وإنتهت الحاجه التي في نفسي رجعت
ومين اللي انتي كتبتي البوست ده بسببه ؟
إمممممم أكيد واحد موءود ههههههه
تحياتي
-------------
ههههههههه
تاريخ البني آدم زي ظله
مبيفارقوش الا ساعة الموت
وبعدين يعني لما تدخل تولع في المدونه مره واحده
تبقى دي حاجه كويسه
دي أصعب بكتير على الناس الي بيتابعوك
يلا عقبال المرة الرابعه واهو الواحد يوفر العده
ويغتالك مره واحده بس
ههههههههههههه
ههههههههههههه
(موءود ؟؟؟)
(وش بيطلع لسانه وبيقولك مش هقووولك بردو مين)
وبعدين خلاص مبقاش موءود ده بقى
(مسعود)
ولكن لايزال عاشقا للنكد الذاتي
تحياتي
ومتنساش تقولي هتقفل المدونه امتى
(وش بيطلع لسانه)
ربنا مايجيب اليوم ده يابنوته
بتهيألى المدونة ادمان
واللى اتعود يتنفس بالحروف
صعب يبطلها
لان ماحدش بيعيش بدون تنفس
عثل والله
تقبلى مرورى ياسويتى
أميرة
(ملكة بحجابى )
-----------
شاااااااطره
ايه الجمال ده
أحب انا الناس المتمسكه بماضيها
كويس اوي كده
اقفل انا بقى المدونه بتاعتي
ههههههه
نورتي المدونه
شكرا لمرورك
انتى مينفعش تقفلى مدونتك احنا مأجرينها قانون جديد
------
لأ مش تخاف
أنا لما افكر اقفل المدونه
هقفلها بدون سابق انذار
بس قولي
السطور الثالث والرابع والخامس
مفيش فيهم حاجه لفتت نظرك
ولا داست لك على طرف ؟؟؟؟؟؟؟؟
تفتكر مين المقصود بيهم ؟
(وش بيغمز بعينه)
تحياتي
أتمنا أشوف عندك بوست جديد
تقصدنى انا :D
خــلاص يا ماى سويت & دير دير فريند :D :D
انا رجعت تانى هكتب و وهعيش حياتى :D
مدونتى وحشتنى اوى بصراحة وكمان وحشونى الناس حبايبى اللى كنت بوجع دماغهم بكلامى :D
T7eyTe
------
ايه النيك نيم الجديد ده
انا مش هعرف اكتبه
خليني في اسلام احسن
كويس انك راجع تعيش حياتك تاني
كفايه عليك جرعة الحنان الي الناس اعطتهالك الفتره الي فاتت
انا مش فاهم هو مطلوب ان احنا نقول
""لا والنبى ماتقفلوهاش ابوس ايدك""
بالحق موضوع اجمل معانى الحزن رائع بجد
دائما مبدعة يا
sweet angel
منى سلام وربنا يوفقك
مصرى دائما
والله عندك حق ,
وجهزى العدة بقى D:
------------------
شكرا لمرورك نورت المدونه
مبدعه؟؟؟؟؟؟؟
مرة واحده
شكرا للمجامله
تحياتي لك
----------
نعم؟
أجهز العده
طب اصبري شويه ده احنا داخلين على ايام مفترجه
خليكي على العيد احسن
ههههههههههههه
شكرا لمرورك
نورتي المدونه
تحياتي
------------------
شكرا للدعوه