">
">
ايه رأيك في مدونتي ؟؟ علشان تعرفو أنا أد ايه متواضعه !!
ايه رأيك في مدونتي .."علشان تعرفو أنا أد ايه متواضعه"
لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق
١٠ أغسطس ٢٠٠٩
السلام عليكم ورحمة الله وبركاته
....
ازيكو يابشر
..
يقال ان يوم 10 أغسطس اعتبروه يوم البهجه والفرفشه
وانا بعد عناء شديد عرفت ان اغسطس ده الشهر الي احنا فيه
مع ان بعض الحاقدين حاولو انهم يخلوني اغلط في الشهر
بس أنا عرفته لواحدي الحمدلله
المهم أنا كنت قولت اني هنزل شوية نكت في اليوم ده لاني أبعد مايكون عن البهجه والفرفشه
.
.
اليكم النكت
.
.
(1)
محشش طلبت منه مراته أنه يخرج معاها..
قالها أعملى لى شتاء فرشت له ميه
قالها أعملى لى برق فولعت النور و طفيته
قالها أعملى لى عواصف شغلت له المروحه
في الأخر ..
قالها يا مجنونه حد يخرج فى الجو الوحش ده
(2)
تلاته عمالين بيحششوا فى مزرعه فراخ طب عليهم البوليس
استخبوا فى تلات شوله
جه الظابط شاط الشوال الاول برجله قام الحشاش الاول عمل نفسه بط و قعد يكاكى
راح الظابط سابه و راح عالشوال التانى و شاطه قام الحشاش اللى جوه قعد يدن و يقلد صوت الديك
الظابط سابه و راح عالشوال التالت برضه شاطه برجله الحشاش التالت متكلمشى..
شاطه تانى بس بالجامد برضه متكلمش
قعد الظابط يخبط فيه طلعله الحشاش يقوله بطاطس بطاطس انت مبتفهمش
(3)
بخيل واقف فى البلكونة...
بخيل واقف فى البلكونة...
ابنه جاى من بعيد يقول له بابا بابا بابا ...
قاله: يا ابن الكلب بابه واحده كفاية.
(4)
قال بخيل لأبنائه : من ينجح منكم سأريه سيارة الأيس كريم
(5)
امراه بخيله قالت لولدها يامحمد روح اشتري ثلاثه أرغفه
رغيف واحد لي وواحد لوالدك وواحد ليك
وبعد ما راح الولد لشرائهم طلعت الام من البلكونه
وقالت يامحمد رجع الرغيف الثالث ابوك مات
(6)
بخيل اخذ ابنه الى السوبر ماركت ،
اخذ الولد بسكوت وشوكلاته قال يابابا احبه
قال الاب بوسه ورجعه
(7)
بخيل اتزوج بخيلة جابوا بنت سموها حصالة
(8)
اشترى رجل بخيل ثلاث برتقالات، قطع الأولى فوجدها متعفنة فرماها، قطع الثانية فوجدها متعفنة فرماها، فأطفأ النور وقطع الثالثة وأكلها
(9)
مرة بخيل وقع في حفرة فتجمع عليه الناس علشان يساعدوه... المهم انه في الاخير ما كانش راضي انه يطلع فجاهم واحد و سألهم عن هذا الشخص البخيل ، قالوله احنا قاعدين نقوله اعطنا ايدك اعطناا يدك وهو رافض. قال بسيطه... خذ ايدي... فطلع البخيل
(10)
تراهن بخيلان على من يبقى تحت الماء أكثر من الآخر يدعوه للعشاء...
فلم يخرج أحد منهما حتى الآن
(11)
أعطت إمراءة بخيله ابنها ريالاً وقالت له: أذهب واشتري خبزاً... لكن يا ويلك اذا ضاع الريال منك. و في الطريق للمخبز شاهد الولد سياره تصدم أبوه... فذهب مسرعاً إلى أمه البخيله وقال لها: امي امي .. الحقي .. أبي صدمته سياره!!
فقالت: اوووه .. بسيطه .. ظننت أن الريال قد ضاع منك.
(12)
في مرة واحد نذل راح عا المقابر وحط شريط الحياة حلوة
(13)
مجانين حط لهم الدكتور أغنيه ... قامو يرقصو الا واحد !! قال له الدكتوور ليه ما ترقص قال اصل انا العروسة
(14)
مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي
(15)
مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله
(16)
طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك
(17)
غبى شاف مقهى انترنت مكتوب عليه الساعه بــ 3 جنيه .... دخل يسأل هي ضد الماية ؟؟
(18)
اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت اشرب
اتنين سكرانين ماشيين...فواحد قال للتاني:لما أموت ابقى اشرب لي الكاس بتاعي ....فصاحبنا مات ، وبعد كام يوم التاني راح البار وطلب كاسين... قاله: ايوه بس انت لوحدك.... فحكى له على الموضوع .....وبقى كل يوم يشرب كاسين...لحد ما فى يوم طلب كاس واحد ........الراجل قالوه اشمعنى...قاله: اصل انا بطلت اشرب
.
.
.
كفايه دول المره دي
الي هيقرأ ومش يضحك
هغتاله
والعده جاهزة من البوست الي فات
التسميات: على غير العاده .. بعيدا عن النكد
22 Comments:
مدونات أحلى ملاك. Blogger Templates created by Deluxe Templates.
WordPress by Newwpthemes | تعريب و تطوير : حسن
.jpg)
----------
أولا نورت المدونه بأول تعليق على البوست
وأول مرور ليك
بالنسبه لموضوع فوق التفوق دي
فأنا عارفه سبب الكلمتين دول وهو طبعا انك مش بتزور مدونات غير مدونتي
ان شاء الله لو زورت اي مدونه تاني
هتيجي تضرب المدونه دي وصاحبتها بالجزمه
وعموما شكرا للمرور
وشكرا للمجامله الرقيقه
وبانتظار باقي التعليقات
تحياتي
ايه العسل ده يابنتى
النكتة بتاع الاشولة هى اللى جامدة
العدة بتاع البوست اللى فات دى فعالة واللا
اصل بينى وبينك فى واحد من اخوانا البعدا عايز اقفلهالو
منورة دايما
مصرى دائما
متاخرة بالبوست كده ليه يا جميل
نكت زى العسسسسل زيك كده
كل سنه وانتى طيبه
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يلا ياستى الطيب احسن
فى حفظ الله
والله جمال جدا ربنا يسعدك زى ما اسعدتينا ورسمتى البسمه على وششنا
عايزه اقولك انى كنت محتاجه اضحك لانى مكتئبه
دمتى بكل خير
كل سنه وانتى طيبه ياقمر بمناسبة قدوم شهر رمضان المبارك اعده الله علينا وعليكم بالخير واليمن والبركات
جميله قووى النكت دى بجد ضحكت قووى من قلبى ربنا يسعدك زى ما اسعدتينا
وان شاء الله يبقا التواصل
مودتى
ايناس
بجد اكتر جمله جامده
بتاعه شوال البطاطس
ايوه كده خلينا نضحك ونفرفش محدش اخد منها حاجه والله
ياريت نتواصل دايما
بخيل اتزوج بخيلة جابوا بنت سموها حصالة
-=-=-=-=-=-=-
بمانسبة البخل
مرة واحد بخيل مات دفنوه فى حصالة
------------------
آه مبروك عليك تاني تعليق
العده بتاع البوست الي فات ؟؟؟؟؟
لالالالالالا دي مش فعاله غير معايا بس
دي حاليا للتهديد فقط
وبعدين الطيب أحسن
احنا داخلين على أيام مفترجه
شكرا لمرورك
تحياتي
--------------
شكرا ربنا يخليكي
انتي الي عسل والله
الحمدلله انك ضحكتي
شكرا لمرورك
وكل سنه وانتي طيبه
------------------
شكرا ربنا يخليكي على الدعوه الجميله دي لاني فعلا بجد محتاجاها جدا جدا
والحمدلله ان النكت دي رسمت بسمه على وشك
وسيبك بقى بلا اكتئاب بلا نيله
محدش واخد منها حاجه
ربنا يسعدك يارب
وعلشان خاطرك البوست الجاي والي بعده هيكونو من النوع ده
تحياتي
------------
وعليكم السلام
كل سنه وانتي طيبه ياجميل
ربنا يخليكي شكرا على الدعوه الجميله دي
ربنا يديم عليك السعاده
نورتي المدونه يانوسه
دمتي ودام التواصل بيننا
تحياتي
----
أيوة على رأيك
محدش واخد منها حاجه
نورتي المدونه
دمتي ودام التواصل بيننا
تحياتي
-----
ممكن تبقى تترجملي النيم الجديد بتاعك علشان انا مش هعرف اكتبه بصراحه
انا الحمدلله بخير
حلوة النكته
شكرا لمرورك
تحياتي
حلوين والله
بس بليز حاولى تظبطى الخط شويه
---------
شكرا لمرورك
حاضر هظبطه
بس من ناحيه ايه بالظبط؟؟
:)
تحياتي
أهلاً بأحلى ملاك ، ومبروك لصاحب أول تعليق !!!!
أنا بقى مستني العدة من المرة اللي فاتت ومش طلعتيها ، انتي طلعتي لا مؤاخذه بق ، ايه رأيك مش ضاحك المرة دي ومستني العدة بتاعتك لما اشوف ....
كل سنة وانتي بخير يا بنتي الجميلة ، وكل وقت وانتي بتفرفشي وتضحكي ع طوووووووووووووول
حلوه الفكرة
كل سنة وانتى طيبة
--------
شكرا لمرورك
وطبيعي كل الناس عارفه معظم النكت
لاني مش بألف نكت يعني
نورت المدونه
تحياتي
--------
مبروك؟؟
احنا فينا من كده ولا ايه ....
معلش بقى المره الجايه تبقى حضرتك اول تعليق
(وش بيطلع لسانه)
مش واخده بالي بقى
والله
يعني انا قولت الطيب أحسن المره الي فاتت
مصمم يعني
طيب
أجهز العده واجيب الواد زمايكا واجيلك
اشهدوووو يا ناس
انا كنت طيبه
كل سنه وحضرتك بخير
شكرا لمرورك
مش هقول نورت لان المدونه مدونتك
ومنورة باهلها
((الي هما انا بس))
--------------
وحضرتك طيب
شكرا لمرورك
والحمدلله انك ضحكت
تحياتي
نورت المدونه