">
">
مبقتش
قبل ٣ أيام
٦ يوليو ٢٠١٠
البوست ده تكمله للبوست الي فات
عن الحرم الجامعي
كان بيبقى عندي سكشن متأخر لغايه 8 بالليل
وطبعا المواصلات بالليل بتبقا وحشه خالص والاهم من كده ان انا اصلا بتوه في الطريق من جوه الكليه لبوابه الجامعه
قووووووووووم اييييييييييييه بابا قرر يجي ياخدني وقولتله كمان جيب العيال اخواتي معاك يتفسحو
من حسن الظن ان انا اتأخرت في السكشن وهما فضلو أدام بوابه الجامعه مستنين حوالي ساعه
وياعيني على المناظر الي شافوها
لقيتهم بيقولولي ايييييييييييييييييييييه ده
ايه الاشكال دي
ده مفيش بنت ماشيه لواحدها او بنتين مع بعض
ده كلهم ولد وبنت ولد وبنت
وانا مش عارفه افهمهم ازاي علشان اخلاقهم الي على وشك الانحراف دي
لقيت البت مي مسكت ودني وقالتلي يا ابله مروة كان في الطريق الي انتي جايه منه ده
ولد وبنت والبنت معاها كيس شيبسي تقول للولد تاخد يقولها لا ولما تشيله منه يخطفه منها
اقولها يا حبيبتي اخوات ماهو لو مش اخوها مكنتش هتديله حاجه ولا هتعزم عليه
الاقي منى مسكت الودن التانيه تقولي عارفه يا ابله مروة البوابه الي هناك دي
اقولها مالها .. تقولي كان فيه اتنين هناك الولد عمال يقول للبنت الي معاه بردانه يا حبيبتي ؟؟
تاخدي الجاكيت بتاعي .. بردانه .. ولا اقولك تعالى وانا ادفيكي
طبعا متوقعين شكلي في موقف زي ده يبقى ازاي
اقولها اهوه شوفتي اخوات هما لو مش اخوات كان هيديها الجاكيت بتاعه كده بالساهل
يسكتو شويه والاقي مي تقولي
بس يا ابله مروة مفيش اتنين عدو الا ومأنكجين ايديهم مع بعض الا اتنين بس
قولتلها الحمدلله شوفتي الدنيا لسه بخير الحمدلله
قالتلي كانو مشبكين صوابعهم في صوابع بعض
ان ان ااااااااااااااااااااااااااااان
هنا بقى انا وقفت الحوار وتوووووووووووبه ان عادو يقربو ناحيه الجامعه تاني
من بعدها كل ماجي راحه الكليه .. العيال يبصولي كده كأني راحه ملهى ليلي
ولو جيت اقول انا هتأخر على المحاضره يقولولي عاااااااتي عااااااااتي وايه يعني
وافكارهم ناحيه الجامعه باااااااااااظت خالص
يابنتى ازاى تغلطى الغلطة دى انت مش عرفه الجامعة ولا ايه؟؟؟؟؟؟؟؟
توب علينا يارب من الحرم الجامعى وبلاويه
واللى بيجرا فيه
لك تحياتى
جامعه
جامعه جامعه
جامعه
فعلا
الواحد بقى يخاف على نفسه
زى تمام انا بخاف امشى لوحدى لبنت تيجى تعاكسنى
ههههههههههههههه
لا طبعا
ههههههه
طب احجز بقى واروح اقرا واجى
هو انت جامعه ايه بالظبط
امال احنا معندناش الكلام دا ليه
عسل يامروى
بس صدقينى دى بقت ظاهرات عاديه بنشوفها ومن كتر ما بقت بتحصل كتير بقت فى حياتنا عادى
تحياتى
ما انتى لمضه على الهيافة و على الجدد عامله عبيطة
انا لو من صحابك اديكي زو على اى حاجة مش عاوزة تفهميه
تاتاتتاتاتاتاتاتااااااااااااااا
راحت عليكي ياجامعه .. :D
كده العيال اعتبرو الجامعة ملجأ الانحراف .... نتيجتهم في الثانوية العامة هتبقي بسببك... ههههههههههه
اخوات بقى (:(:(:
---------
وعليكم السلام
والله خلااااااااص توبت
منورة
---------
جاااااااامعه
حسبنا الله ونعم الوكيل
-------------
معلش المدونه بقت بتخرف
حبيبتى احنا فى زمن العجب
ولسه ياما هنشوف
ال جامعه ال
لنا الله يا جودعاااااااااااااااااااان
توتا
هههههههههههههه
بس يا ابله مروة مفيش اتنين عدو الا ومأنكجين ايديهم مع بعض الا اتنين بس
ههههههههههه بتقولك مانكجين
والله زمان العيال بيدعولك
ههههههههههه وريتيهم اللى مشافوهوش قبل كده هههه
---------------
انا بعيد عنك جامعه المنصورة
------------
ربنا يهون بقى
منورة
--------------
مش فاهمه حاجه
--------------
غباء بقى تقولي ايه
منورة
--------
ههههههههه
اما يوصلو للثانويه العامه هتكون اتلغت
-------
ااااااااااااه لسه بخير
-------
ربنا يهون
توتا وحسام
--------------
والله زمان
اكيد بيدعو بس عليا