">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

9 أكتوبر، 2010







من أعلى مقامات العبوديه


وأكثر الحالات اللي الانسان بيكون فيها قريب من ربنا


انه يستشعر ان ربنا شايفه

ويبقى عايش هو كمان وكأنه حاسس بقرب ربنا

" أن تعبد الله كأنك تراه , فان لم تكن تراه فانه يراك " 

واحنا لازم نغير مفهومنا عن اتقان أعمالنا

سواء كنا موظفين ، أو شباب طلبه في الجامعه بيذاكرو

ولازم نغير مفهومنا عن الاتقان ان انا بشتغل عند الناس

واني بقبض من ايد مديري أو ايد الناس

أنا مبشتغلش في الكون ده الا عند ملك واحد هو اللي بيملك كل شىء

هــــــــــو ربــــــــــــنـــــــــــا

هو اللي بيملك كل الكون ده بما فيه من شركات ومصانع

الله

هو الرزاق ، هو مالك الملك

فلما تكون شغال في ملك ربنا وهو شايفك اتقن

اتقن لان ربنا سبحانه وتعالى من صفاته انه بيتقن

" الذي أحسن كل شىء خلقه "

" صنع الله الذي أتقن كل شىء خلقه "

فخد بالك .. باللغه المصريه البسيطه .. الانسان اللي بيكروت الشغل

الانسان اللي مش بيشتغل بقلبه ، الانسان اللي بيضيع وقت أثناء الشغل

الانسان اللي بيتأخر عن الشغل

خد بالك .. أحسن يكون مشكوك في مالك حلال ولا مش حلال

الشباب اللي في الكليات ، اللي قرب يدخل الكليه

خد بالك .. مذاكرتك دي عباده ، زي الصلاه

ومتفرقش لو احنا هنطلق بقى في حاجه اسمها "سجاده الصلاه"

واقفين بين يدي الله بنعبده

في حاجه اسمها "سجادة المذاكره"

انا قاعد كأني بعبد ربنا سبحانه وتعالى وأنا قاعد على الكمبيوتر بخلص حاجه

وأنا قاعد بذاكر وبكتب حاجه

اتقن شغلك .. وربنا سبحانه وتعالى حابب ان المسلمين حابب ان الصالحين

حابب ان الناس الطيبين الي بيحبوه وبيعبدوه هما الي يكونو بيعمرو أرضه بالاخلاق

علشان كده يا جماعه .. مش عاوزين نكون احنا الامم المتخلفه بسبب ان احنا فاكرين 

ان عبادة ربنا تتلخص في بعض الاذكار بس

يلا نتقن أعمالنا 

ومقامك حيث أقامك ..

شوف ربنا شغلك ايه .. أو شوف ربنا وظفك فايه

ويبقى هو ده الباب الي تدخل منه الى الله باعمارك للأرض




مقامك حيث أقامك ..

اتقن شغلك .. حلل لقمة عيشك .. ذاكر كويس

علشان تبقى انت بكره المهندس أو الدكتور الي يعالج الناس

علشان تاخد ثواب كبير أوي باعمارك للكون

....................................................................................

ولنا لقاء جديد

25 Comments:

  1. Timo.. said...
    احنا ديما بنستنى رضا الاخرين عن شغلنا..
    ولو اخدنا بالنا هنلاقي ان ربنا ادانا ترمومتر داخلي اسمه (الضمير) لو مشينا بيه مش ها نسنتنى رضا حد لانه ببساطة مش بيرضى غير لو كل حاجة اتعملت صح..
    بس للاسف ناس كتير بتكسر الترمومتر ده عشان بيزن عليهم كتير وده طبعا لان شغلهم (.....)
    تحياتي على البوست :)
    sweet angel said...
    timo
    ---------
    ماهو لو كل واحد مشي تبع الترمومتر ده
    وعرف ان رزقه محدش هياخده غيره
    كان زمان كل الناس مرتاحه

    شكرا
    BNT ELISLAM said...
    عندك حق والله لو كل انسان استغل مهود وعمل بضميره على اساس ان ربنا شايفه فى كل مكان
    لو انت اوانتى عاوزه مترضيش ربنا دورى على مكان مش ملكه اقعدى فيه او دورى على اى شىء مش ملكه متتعامليش معاه



    موضوع حلو اوى
    جزاك الله خير
    الحب الجميل said...
    كلام كتير جميل
    جزاكى الله كل الخير يا سويتى
    شكرا ليكى
    دمتى بخير
    Sweet Violet said...
    اشكرك سويت على النصيحة
    و يارب فعلا نقدر نعمل بيها
    حاجات كتير هتتغير وقتها
    :\
    sweet angel said...
    بنت الاسلام
    ---------------

    ربنا يهدينا جميعا

    منورة
    sweet angel said...
    الحب الجميل
    ------------
    شكرا يا ايمان انك لسه بتنوري المدونه

    تحياتي
    sweet angel said...
    سويت فيوليت
    ---------------

    العفو اي خدمه

    ربنا يهدينا جميعا
    محمود(باحث عن حب) said...
    ناس كتيره قوى
    بتنسى بنا
    بجد
    وبتنسى ان فى حاجه
    اسمها اليقين باله
    وان الله سبحانه
    ليس بظلام للعبيد
    لازم
    نعرف ان ربنا يريد الخير للعبد دايما
    ولازم نتقى الله فى كمل صغيره وكبيره فى حياتنا
    بارك الله لكى اختى
    Ms Venus said...
    عارفة يا سويت

    دايما بقولك

    الضميـــر

    الضمير وبس

    لو كل انسان خلى ضميره قدامه فى كل شىء بيعمله

    اكيد هتفرق كتير

    بوست جميل اوى

    تحية لعيونك
    richardCatheart said...
    ازيك يا مرموره يارب بخير يارب

    اولا بوستك جميل ربنا يكرمك يارب ويصلحلك الحال

    ثانيا احنا كلنا قلقنين جدا على احمد الصعيدى ياريت لو سمحتى لو فى اخبار عن بابا احمد
    تطمنينا اخر بوست عنده فى الريدر ظاهر مش حلو والمدونه مقفوله

    ربنا يكرمك يارب ويطمنا جميعا
    eng_semsem said...
    وهي ده اكبر مشكله في التعليم علمونا نخاف المدرس ونسيوا يعلمونا نحترمه علمونا نذاكر عشان ننجح وما عرفناش ايه فائدة التعليم علمونا نعيش وناكل ونغني ونرقص ونسيوا يقولوا انتم عايشين ليه واكيد لو زرعوا فينا الثقه كنا عملنا كل حاجه في حياتنا بعد ما نحكم ضميرنا كلامك جميل بس ياريت الواحد يقابل انسان بيعمل كل حاجه بضمير عشان يتعلم منه
    sweet angel said...
    باحث عن حب
    ---------------
    ربنا يهدي الجميع

    شكرا جزيلا

    منور دايما
    sweet angel said...
    مس فينوس
    --------------
    الضميرررررر

    شكرا ليكي
    ربنا يهدينا
    sweet angel said...
    ريتشارد
    ------------
    شكرا لمرورك
    ازمه وتعدي ان شاء الله
    sweet angel said...
    سمسم
    --------

    ربنا يهدي الجميع
    شكرا لمرورك
    richardCatheart said...
    اولا ايه مدام دى اشحال ماكناش واكلين عيش وملح فى التليفون انت اختى الصغيره
    وانا مارو

    ثانيا مش عارفه والله الدنيا مالها مخبطه مع احمد ليه كدا بس ربنا يهديله الحال ان شاء الله ونسمع عنه خير ياريت تبلغيه السلام امانه وتقوليله كل القراء ومحبى شعره الجميل فى انتظاره ربنا معه

    واشكرك يا مرموره على الاهتمام كتر الف خيرك يارب
    mrmr said...
    كلام جميل يا مروه ربنا يجازيكى خير
    ويسعد اوقاتك
    جايدا العزيزي said...
    ههههههههههه

    اهو اخدت بالى من التعليقات

    ومن الموضوع والنصايح

    اخد بالى تانى

    وارجع واقول موضوع رائع

    ومعاك حق فى كل كلمه

    اشكرك على التواصل

    تحياتى
    من كل بستان زهرة said...
    والله عندك حق يا مرموره
    بس عارفه لو الواحد بيحب شغله
    هيشتغل بأخلاص وهيطلع كل الي عنده في الشغل
    ولازم في الأول والأخر يراعي ربنا
    بس بسمع ناس دايما يقولوا على قد فلوسهم
    كلام غريب
    ولو الطالب عارف انه لو تعب في المذاكره دلوقتي مستقبله هيبقى كله نور
    كان أكل الكتب
    بس تقولي لمين

    عموما الضمير هو الي بيحرك كل واحد
    داليـ ـ ـ ـ ـ ـ ــــا said...
    إجابة السؤال
    بشتغل عند ربنا
    تمام كده يامس مروى هههه

    الحمد لله
    الذى يراه قلبى
    وضميررررررررررررى
    محمد التركى said...
    السلامو عليكم

    يارب تكونى بخير
    انا بعتذر عن التأخير فى التعليق
    بس ده لظروف خارجه عن ارادتى بسبب الشغل والسفر

    تدوينه رائعه
    ربنا يجعله فى ميزان حسناتك

    تحياتى لقلبك الطيب

    محمـــد التركـــى
    momken said...
    البوست بتاع نفسى مافيش فيه مكان للتعليق

    وانت اشاسا مدوخانا على مكان العتليق

    البوست جميل يتحدث عنا جميعا

    تسلم ايدك

    تحياتى
    Ms Venus said...
    يا سووووويت


    انا كمان زى ممكن مش لاقية مكان للتعليق على بوست نفسى


    بس بجد كلمات جميلة اوى يا حبيبتى


    سلم قلمك واحساسك

    وردة لعيونك

    صحيح مش تنسى تشوفى مشكلة الردود دى
    ادم المصرى said...
    كلمات جميله اوى سوووويت

Post a Comment