">
">
مبقتش
قبل أسبوع واحد
٩ أكتوبر ٢٠١٠
من أعلى مقامات العبوديه
وأكثر الحالات اللي الانسان بيكون فيها قريب من ربنا
انه يستشعر ان ربنا شايفه
ويبقى عايش هو كمان وكأنه حاسس بقرب ربنا
" أن تعبد الله كأنك تراه , فان لم تكن تراه فانه يراك "
واحنا لازم نغير مفهومنا عن اتقان أعمالنا
سواء كنا موظفين ، أو شباب طلبه في الجامعه بيذاكرو
ولازم نغير مفهومنا عن الاتقان ان انا بشتغل عند الناس
واني بقبض من ايد مديري أو ايد الناس
أنا مبشتغلش في الكون ده الا عند ملك واحد هو اللي بيملك كل شىء
هــــــــــو ربــــــــــــنـــــــــــا
هو اللي بيملك كل الكون ده بما فيه من شركات ومصانع
الله
هو الرزاق ، هو مالك الملك
فلما تكون شغال في ملك ربنا وهو شايفك اتقن
اتقن لان ربنا سبحانه وتعالى من صفاته انه بيتقن
" الذي أحسن كل شىء خلقه "
" صنع الله الذي أتقن كل شىء خلقه "
فخد بالك .. باللغه المصريه البسيطه .. الانسان اللي بيكروت الشغل
الانسان اللي مش بيشتغل بقلبه ، الانسان اللي بيضيع وقت أثناء الشغل
الانسان اللي بيتأخر عن الشغل
خد بالك .. أحسن يكون مشكوك في مالك حلال ولا مش حلال
الشباب اللي في الكليات ، اللي قرب يدخل الكليه
خد بالك .. مذاكرتك دي عباده ، زي الصلاه
ومتفرقش لو احنا هنطلق بقى في حاجه اسمها "سجاده الصلاه"
واقفين بين يدي الله بنعبده
في حاجه اسمها "سجادة المذاكره"
انا قاعد كأني بعبد ربنا سبحانه وتعالى وأنا قاعد على الكمبيوتر بخلص حاجه
وأنا قاعد بذاكر وبكتب حاجه
اتقن شغلك .. وربنا سبحانه وتعالى حابب ان المسلمين حابب ان الصالحين
حابب ان الناس الطيبين الي بيحبوه وبيعبدوه هما الي يكونو بيعمرو أرضه بالاخلاق
علشان كده يا جماعه .. مش عاوزين نكون احنا الامم المتخلفه بسبب ان احنا فاكرين
ان عبادة ربنا تتلخص في بعض الاذكار بس
يلا نتقن أعمالنا
ومقامك حيث أقامك ..
شوف ربنا شغلك ايه .. أو شوف ربنا وظفك فايه
ويبقى هو ده الباب الي تدخل منه الى الله باعمارك للأرض
مقامك حيث أقامك ..
اتقن شغلك .. حلل لقمة عيشك .. ذاكر كويس
علشان تبقى انت بكره المهندس أو الدكتور الي يعالج الناس
علشان تاخد ثواب كبير أوي باعمارك للكون
....................................................................................
ولنا لقاء جديد
ولو اخدنا بالنا هنلاقي ان ربنا ادانا ترمومتر داخلي اسمه (الضمير) لو مشينا بيه مش ها نسنتنى رضا حد لانه ببساطة مش بيرضى غير لو كل حاجة اتعملت صح..
بس للاسف ناس كتير بتكسر الترمومتر ده عشان بيزن عليهم كتير وده طبعا لان شغلهم (.....)
تحياتي على البوست :)
---------
ماهو لو كل واحد مشي تبع الترمومتر ده
وعرف ان رزقه محدش هياخده غيره
كان زمان كل الناس مرتاحه
شكرا
لو انت اوانتى عاوزه مترضيش ربنا دورى على مكان مش ملكه اقعدى فيه او دورى على اى شىء مش ملكه متتعامليش معاه
موضوع حلو اوى
جزاك الله خير
جزاكى الله كل الخير يا سويتى
شكرا ليكى
دمتى بخير
و يارب فعلا نقدر نعمل بيها
حاجات كتير هتتغير وقتها
:\
---------------
ربنا يهدينا جميعا
منورة
------------
شكرا يا ايمان انك لسه بتنوري المدونه
تحياتي
---------------
العفو اي خدمه
ربنا يهدينا جميعا
بتنسى بنا
بجد
وبتنسى ان فى حاجه
اسمها اليقين باله
وان الله سبحانه
ليس بظلام للعبيد
لازم
نعرف ان ربنا يريد الخير للعبد دايما
ولازم نتقى الله فى كمل صغيره وكبيره فى حياتنا
بارك الله لكى اختى
دايما بقولك
الضميـــر
الضمير وبس
لو كل انسان خلى ضميره قدامه فى كل شىء بيعمله
اكيد هتفرق كتير
بوست جميل اوى
تحية لعيونك
اولا بوستك جميل ربنا يكرمك يارب ويصلحلك الحال
ثانيا احنا كلنا قلقنين جدا على احمد الصعيدى ياريت لو سمحتى لو فى اخبار عن بابا احمد
تطمنينا اخر بوست عنده فى الريدر ظاهر مش حلو والمدونه مقفوله
ربنا يكرمك يارب ويطمنا جميعا
---------------
ربنا يهدي الجميع
شكرا جزيلا
منور دايما
--------------
الضميرررررر
شكرا ليكي
ربنا يهدينا
------------
شكرا لمرورك
ازمه وتعدي ان شاء الله
--------
ربنا يهدي الجميع
شكرا لمرورك
وانا مارو
ثانيا مش عارفه والله الدنيا مالها مخبطه مع احمد ليه كدا بس ربنا يهديله الحال ان شاء الله ونسمع عنه خير ياريت تبلغيه السلام امانه وتقوليله كل القراء ومحبى شعره الجميل فى انتظاره ربنا معه
واشكرك يا مرموره على الاهتمام كتر الف خيرك يارب
ويسعد اوقاتك
اهو اخدت بالى من التعليقات
ومن الموضوع والنصايح
اخد بالى تانى
وارجع واقول موضوع رائع
ومعاك حق فى كل كلمه
اشكرك على التواصل
تحياتى
بس عارفه لو الواحد بيحب شغله
هيشتغل بأخلاص وهيطلع كل الي عنده في الشغل
ولازم في الأول والأخر يراعي ربنا
بس بسمع ناس دايما يقولوا على قد فلوسهم
كلام غريب
ولو الطالب عارف انه لو تعب في المذاكره دلوقتي مستقبله هيبقى كله نور
كان أكل الكتب
بس تقولي لمين
عموما الضمير هو الي بيحرك كل واحد
بشتغل عند ربنا
تمام كده يامس مروى هههه
الحمد لله
الذى يراه قلبى
وضميررررررررررررى
يارب تكونى بخير
انا بعتذر عن التأخير فى التعليق
بس ده لظروف خارجه عن ارادتى بسبب الشغل والسفر
تدوينه رائعه
ربنا يجعله فى ميزان حسناتك
تحياتى لقلبك الطيب
محمـــد التركـــى
وانت اشاسا مدوخانا على مكان العتليق
البوست جميل يتحدث عنا جميعا
تسلم ايدك
تحياتى
انا كمان زى ممكن مش لاقية مكان للتعليق على بوست نفسى
بس بجد كلمات جميلة اوى يا حبيبتى
سلم قلمك واحساسك
وردة لعيونك
صحيح مش تنسى تشوفى مشكلة الردود دى