">
">
١٦ أكتوبر ٢٠١٠
بسم الله والحمد لله والصلاة والسلام على رسول الله صلى الله عليه وسلم
.............................
بعتذر عن غلق التعلقات في البوست الي فات
عرض الانسان كبير عند ربنا
عرض الانسان يعني سمعته يعني شرفه يعني شخصيته يعني صفاته لو هتتكلم عليه
اوعى تتكلم عليه في ظهره علشان ربنا شايف وسامع " اني معكما أسمع وأرى"
وفاكرين ؟؟؟ البني آدم ده المسلم زي الكعبه
والنبي عليه الصلاة والسلام قال " ألا ان دمائكم وأموالكم وأعراضكم حرام عليكم كحرمة يومكم هذا في شهركم هذا في بلدك هذا "
وكان في مكه
يعني حُرمة المسلم زي حُرمة الكعبه زي حُرمه الحرم
عمرك شوفت قبل كده حد بيسئ بلسانه للكعبه هذا المقدس الشريف عند ربنا سبحانه وتعالى
والغيبه : هي انك تتكلم عن حد في ظهره " ذكرك أخاك بما يكره" بشئ هو فيه
بعض الناس فاكر ان الغيبه ان أنا أظلم واحد وأدعي عليه بحاجه هيه مش فيه
لأ
انك تقول على انسان صفه مش كويسه حتى لو هيه فيه لو سمعها على نفسه تضايقه هي دي الغيبه
"قيل يا رسول الله : وان كان فيه "
ان كانت فيه الحاجه الوحشه دي
"قال : وان كانت فيه فقد اغتبته"
هي دي الغيبه ، من الكبائر عند العلماء
" وان لم تكن فيه فقد بهتته " يعني ظلمته وافتريت عليه
مش عايزين نتكلم على حد يا جماعه أي كلام سلبي
أي انسان بيذكر واحنا قاعدين يا بنتكلم عليه كلام ايجابي يا اما كلام سلبي
يعني يا بنشكر فيه يا بنذم فيه
فلو انت قاعد في قعده حد اتكلم على حد بكلام مش كويس عندك 3 اختيارات يا اما كأنك مشترك معاهم في الذنب :
- اما تقولهم يا جماعه حرام مينفعش نتكلم على حد في ظهره كلام زي ده
- أو اما انك تدافع عنه وتقول صفات عكس الي فيه وتشهدله بالخير
- واما انك انت تغير الموضوع ده وتدخلهم في موضوع تاني بحيث انكم تتكلمو في حاجه تانيه متاخدوش فيها سيئات
يا اما لازم تسيب المكان الي فيه هذه الكبيره لان ربنا مدام سامع وشايف لازم نوقر ونحترم رؤيه وسمع رب العالمين سبحانه وتعالى
لو كنت غلطت في حق حد في يوم من الايام في ظهره
استسمحه
ولو حاسس ان انت متقدرش تعتذرله وتستسمحه يبقى ادعيله
وروح أدام نفس الناس الي انت اغتبته قدامهم وقول فيه كلام كويس لعلك تصلح ما أفسدت
.............................................................
ولنا لقاء جديد
.jpg)
ابنتي العزيزة
أشكر لك أنك تتيحي الفرصة لنا لنتطهر من أخطاء الماضي
بارك الله لك وعافاكي وعفا عنك
انا كنت عاوز اعلق فى البوست اللى فات
الحمد لله
قليل من يفهم او يعى الكلام ده
والله
فى الزمن ده
اسهل حاجه عرض الانسان
وحسبنا الله ونعم الوكيل
معليش مقصرة معاكى اليومين دول بس انتى عارفه
جزاكى الله خير
بوست جميل
وياريت كلنا نعمل بيه
وحشاانى
بوست جميل جزاك الله خير
ياريت كل واحد فعلا ينظف قلبه قبل ما يواجه رب كريم
ربنا يبارك حياتك
اعتقد انك بتطلي المستحيل من النساء
ما اعتقدش انهم هيقدروا يمسكه لسانهم
أمال يضيعوا وقتهم في ايه
ربنا يحفظنا جميعا من الخوض في اعراض الناس
ربنا يبارك فيكي يا مورا
-----------
وعليكم السلام
العفو اي خدمه
-------------
ربنا يهدي الجميع
--------------
ولا يهمك
انتي تنوري في اي وقت
ياريت
--------
ربنا يهدي الجميع
-------
شكرا جزيلا
اااامين
------------------
اااااااااه هي المشكله في الستات دول
عاوزين قص لسانهم هههههههه
ربنا يهدينا جميعا