">
">
مبقتش
قبل أسبوع واحد
٧ نوفمبر ٢٠١٠
بسم الله والحمد لله والصلاة والسلام على سيدنا محمد (عليه الصلاه والسلام )
من اكبر الحالات الي الانسان بيعدي بيها في حياته ، ويبقى ضعيف أدام الشيطان
قالو : 3 حالات
- وقت مايكون متنرفز جدا
- وقت مايكون في شهوه بتعرض عليه
- أو وقت مايكون في شبهه هو مش عارف يعمل فيها ايه
ساعتها الشيطان يقوله : اتصرف بالطريقه الغلط
وقت ما يكون غضبان ، وقت استثارة الشهوة عنده ، وقت ما يكون في شبهه مش عارف يتصرف ازاي .
والغضب من أكتر الأوقات الي الانسان فيها الشيطان بيدفعه تجاه التصرفات الي يندم عليها .
كتير من الأوقات .. الانسان لما حد بيغلط في حقه او ينتقص منه بيستثار وبيغضب ، والغضب قالوا ان هو فرع من فروع شجرة الكبر
لما الانسان يكون حاسس بنفسه ، و شايف ان نفسه عاليه جدا ، أي حد ينتقص منه في أي حاجه ، أو يهزر معاه هزار ،
هو شايف ان ده انتقاص من نفسه العاليه أوي ، وساعتها الانسان ده بيغضب .
وخلينا نقول ان احنا علشان منغضبش لازم نبص لكل الاحداث الي بتحصل في الدنيا انها من قدر الله
وانت ماشي بالعربيه ، واحد كسر عليك .. معلش ، انت عارف ان أخلاق الناس فتنه " وجعلنا بعضكم لبعض فتنه . أتصبرون "
معلش انت النهارده صايم ، أو حتى مش صايم ، لعله مأخدش باله ، طب لعله هو انسان مش مهذب أوواخد السواقه عافيه ، واخدها بالعنف كده علشان يسبق الناس .. قول معلش .. أنا هسامحه لله ، علشان في يوم من الايام لما أغلط ، ربنا يخلي الناس تسامحني وهو كمان يسامحني ، لعله بيديني طبق مليان بالحسنات يتقل بيه ميزان حسناتي كأنه هديه ليا منه
خد بالك الي بيغلط فيك وانت متغضبش انت يوم القيامه تاخد من حسناته أو في يوم من الايام هتغلط في حق حد ، فربنا يحنن قلبه زي مانت كنت حنين وسامحت هذا الانسان ومغضبتش
" يا ابن آدم .. اذكرني حين تغضب .. اذكرك حين أغضب "
افتكر ربنا وقت ما تتنرفز ، ربنا عز وجل ميغضبش عليك وقت ما تكون انت غلطان وتستحق غضب ربنا سبحانه وتعالى
في يوم من الايام عمر بن عبد العزيز (أميرالمؤمنين والخليفه العظيم) معدي في المسجد والدنيا كانت ضلمه ،فغصب عنه داس على ايد واحد كان نايم في المسجد ، فصحي هذا الانسان ومكنش يعرف ان ده عمر بن عبد العزيز امام المسلمين وخليفة المسلمين
فقال له : أنت أعمى ؟؟؟؟؟؟
(تخيل كده ملك من الملوك العظام حواليه الخدم والحرس بتوعه وواحد بيقوله يا اعمي !! )
فقال عمر بن عبد العزيز : لا .. ( أنا مش أعمي ) .. ثم انصرف
هو شاف ان الشتيمه دي حسنات جاياله ، وملك نفسه
" ليس الشديد بالصرعه (مش القوي الي يعرف يضرب الناس ويوقعهم ) انما الشديد من يملك نفسه عند الغضب "
ربنا يرزقنا الهدايه .. اللهم انا نسألك حبك وحب من أحبك وحب كل عمل يقربنا الى حبك ..
كل سنه وانتم طيبين
ولنــــــــــــــا لـقـــــــــــاء جديـــــــــــــد ان شــــــــــــــــــــاء الله
وفيه بيقدر يتحكم ويتمالك نفسه وروحه
معاكى حق اوقات بنضعف بس بيكون غصب عن الانسان ممكن من موقف صعب ضيقه بشدة
معاكى ان لازم نبقه متسمحين بس مش فى كل الحالات عشان متتكررش
ممكن من غير غضب ولا غلط نحاول .....
بس احنا بشر
وساعات نندم على فعل او تصرف او حتى قول قولناه فى لحظة غضب لان ممكن يكون الانسان اللى ادمنا لا يقصد شىء من الإسأة
ونفهمها غلط ونبى عليها غضبنا
لو كان فى تسامح فى كل قلوب البشر مكنش ..........
كملى انتى بقا يا رورو
كلامك جميل جدا
وعجبنى اوى
ودا بيدل على قلبك الطيب يا حبى
ربنا يبارك فيكى يارب
والقصه حلوة اوى
بينى وبينك لو حصل الكلام دا دلوقتى وواحد مسئول فى البلد ماشى بالبودى جاردات بتوعه واتقلتله كلمه زى دى كان زمانه راح ورا الشمس
المهم
انتى وحشانى
ومعليش انا عارفه انى مقصرة معاكى
خدى بالك على نفسك
دة حقيقى عندك حقك
من ملك نفسه ملك مدينه
انا من الناس الغضب خسرها حاجات كتير
بس يمكن يمكن أنا أهدى كتييير عن زمان الحمد لله
موضوعك فى وقته لأنى فى حالة من الغليان
شكراً جداً ليكى
ربنا يبعدك عنك كل شر
كل سنه وانتى طيبه
أختى العزيزه
يارب تكونى بخير
سامحينى عن طول غيابى
الغضب اه من الغضب
انا على فكره من الناس اللى بتتنرفز بسرعه جدا مش بعرف اتمالك نفسى ولو وصلت لزروتى فى الغضب ابدأ افقد اعصابى وممكن افقد حاجات كتير جدا
اخسر اصحاب واخسر ناس عزيزه عليا كتير قوى
وكمان الغضب بيولد العند حتى ولو بعاند نفسى
بس بحاول اسيطر على نفسى لكن فى حالات مش بقدر
وانا عارف انى غلط بس مش عارف اعمل ايه
ممكن ابان من الوهله الاول انى انسان هادئ
بس للأسف انا مش كده خالص
انا ممكن استمع للى حواليه
بس الغضب ربنا يبعده عنى بجد
وربنا يبعد عنك وعن كل الناس يارب
بشكرك جدا على الموضوع الجميل وربنا يبارك فيكى يارب
تحياتى لشخصك الكريم
محمــد التركــى
فمالك نفسه خير من مالك مدينه
لكن سعات كتير الغضب فى الحق فضيله ذى الساكت عن الحق شيطان اخرس ولازم نقول الحق حتى لو كان بطريقه الغضب
لذا ربنا بيوصينا وبيقول اغضبوا ولا تخطئوا
كلامك جميل
وموضوع اجمل
ربنا يسعدك ويحافظ عليكى
بصى
سيدنا عمر بن عبد العزيز مفيش زيه
تانى
يااااه
جميله الكلمات
والبوست رائع
غينك
غياب
ليه على طول
--------------
منوره يا ايمي دايما
ربنا يهدي الجميع
--------
ربنا يسعدك يارب
---------------------
ربنا يرزقك السعاده يا وردتي
----------
اامين
منورة
-------------
اذكر ربنا كتير وقت ما تغضب علشان مش تخسر حاجات كتير
ربنا يكرمك ويهدي الجميع
شكرا لمرورك
----------
حبيبتي ربنا يهدينا ربنا يبارك فيكي
منورة دااااااااايما
----------------
شكرا لمرورك
والله الدراسه وقرفها
ربنا يبارط في حضرتك