">
">
٢٠ نوفمبر ٢٠١٠
امبارح .. كنت في فرح واحده صاحبتي
روحت وأخدت معايا أختى منى
ودخلنا وقعدنا والعروسه لسه مجاتش
المووووووووووووووووووووووهم
كل الاطفال في الفرح كعادتهم طبعا جايبين شيبسي وعصير
منى قالتلي يا أبله مروة أنا عاوزة شيبسي
أحرم البنت من حاجه !!!! طبعا لالا
أقوم من أدام كل الناس دي وأطلع !!! طبعا مستحيل
أووووووووم ايييييييييييييه
قررت اني انقي أكتر ولد بيروح يجيب حاجات لاخواته ويجي واقوله يجيبلها
ولأني مش كنت لابسه النظاره فكان كل الناس شكل بعضها
لغايه مالقيت ولد شكل التيشيرت بتاعه مألوف يعني
ناديتله وقولتله تعرف تروح تجيب شيبسي للبنوته دي ؟؟
قالي آآآآه
اديته 5 جنيه وقولتله هتعرف ترجع ؟؟ قالي آآآه
كل الأولاد تروح وتجيب وتيجي الا ده
راح مجاش واااااااااااااااااء
المشكله مش كده
المشكله اني لما وقفته .. قالي هي العروسه من عيلة ايه ؟؟ قولتله
قالي والعريس ؟؟ قولتله معرفش .. انت مش تبع الفرح ولا ايه ؟؟
قالي لا انا بس مش عارف احنا في القاعه دي ولا اللي فوق !!!!!!!
وأنا بديله الفلوس أصلا كنت عارفه انه مش جاي تاني
حتى منى كانت بتبص وراها كل شويه عليه
أقولها متبصيش ياحبيبتي .. هو مش جاي تاني خلاص .. ماهو أصله رزق الهبل ع المجانين
وكنت بكلم الدكتور هيثم ساعتها .. فبقوله هو شكله مش تبع الفرح تقريبا !!
قالي : ههههههههههه لا انتي اللي مش تبع الدنيا
يلا .. أعيش و اخد غيرها
كل سنه وانتم طيبين واااااااااااااااااااااااااااء
.jpg)
بذمتك بتسمي دي نصب..؟؟
دي يا دوووب نصباية صغنونة آآآآآد كده مش تودي النار ويا ريت النصب كله يبقى كده :)
اقولك انا بقى سر؟
اصعب نصب هو نصب المشاعر..
وبرضه بيبقى (بكامل ارادتنا)
صباحك معطر بالوروود :)
طيب الحمد لله انها جت على قد كدة
كان عندى احساس ان فى حاجة هتحصل اساسا
تعيشى وتاخدى غيرها
وفى اكبر منها
هههههههههههه
دى حاجه صغنونه خالص
امال لو اتنصب عليكى فى يجى عشروميت مليون جنيه
هتعملى ايه؟؟؟؟
والاهم انك حاسه انه مش راجع
وبرضوووو ادتيله الفلوس
هو باين كدا والله اعلم ان الولد صعوب عليكى
وابقى حطى شبسياتك ومستيكاتك وبسكوتاتك بعد كدا فى شنطتك لما تخرجى ويكون معاكى اخواتك الصغننين
معليش ياحبى
خدى بالك بعد كدا
ربنا يسلمها معاكى يارب
ومش تعيطى
فداكى مال الدنيا كلها
صباح الفل على عيونك
كل سنه وانتى طيبه
اولا انا اسف على طولت غيابى سمحينى
تعيشى وتخدى غيرها
هههههههه
كويس انها جت فى خمسه جنيه بس مش خمسين
الواد شكله كده اعتبرها عديته
ههههههه
ممكن برضو
بس الصوره بتاعت البوست جميله ليقه على الموقف
كل سنه وانتى طيبه والمره الجاى ابقى هاتى شبسى معاكى من الاول بقى
تحياتى
محمـــد التركـــى
وكو يس إنها جات فى 5 جنيه ..
كل سنة و انتى طيبة
تعيشى ويتنصب عليكى
بركه انها 5 جنيه مش 50
هههههه
تعيش وتاخدى غيرها
لكن الأصح إن الواحد يآخد السلم من أوله .. زي الواد ما عمل
:)
بالهنا والشفا (الجاتوو طبعن)
انا بقى اتنصب عليا فى 20 جنيه
بعت عيل من عيال الشرع يجيبلى كارت شحن
اوم ايه مارجعش ياامى
عادى
واااااء
مسائك سكر زيادة
خمسه جنيه بس
دنا إفتكرتك إنتى اللى إتسرقتى
الحمد لله إنك بخير
وإنها جت على قد كده
----------
ههههههههههههه
نصب المشاعر؟؟؟؟؟؟؟ والعياذ بالله
ربنا يبعدنا عنه
شكرا لمرورك
-------------
ههههههههه طب هات ال5 جنيه
مكشوف عنك الحجاب
---------------
ههههههههههه
الحمدلله
منورة يا ايمان
------------
وحضرتك بالف خير
ههههههههه اجيب من الاول
لالالالالالالالالالا ده انا احسن واحده يتنصب عليها بنفس الطريقه اكتر من مره
منور وبعتذر عن غيابي انا كمان
------------------
شكرا
الحمدلله
وحضرتك بخير
--------
هههههههه
كل سنه وانتي طيبه
--------------
ههههههه
شكرا
-------------------
هو ده الصح
ههههههههههههههه
---------
ده انا ارحم بقى
ههههههههههه
------------
هههههههههه لا انا اتخطفت بس مش اتنصب عليا لسه
يلا الحمدلله
منوره يا موني