">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

7 يناير، 2011

عايز أصاحب !!! (1)








أنا هتكلم النهارده عن مشكله من مشاكل الشباب قبل الجواز

مشكله أساسيه ، لها علاقه بالبيوت بعد الجواز والحب بالجواز

بنتكلم على ايه ؟؟ مشكله بيعاني منها الشباب

المشكله دي هي المصاحبه ... الحب

أنا عايز أحس بحب وعايز يبقالي واحده أحبها وتحبني ، ويكون بينا وبين بعض علاقه

أنا عايز أصاحب ..

تعالو نشوف مع بعض العلاقه دي هيكون شكلها ايه ؟؟ وعاوزين نقول للشباب عنها ايه !!

الاول تعالو نعرف علشان نبقى متفقين مع بعض .. يعني ايه صحوبيه ؟؟

يعني هي زميلتي في الجامعه ، في نفس الصف ،

أو هي معايا في الشغل ولازم نشتغل مع بعض علشان المدير قالنا لازم نشتغل سوا ؟؟؟

لا يا جماعه ده موضوع تاني

ان ظروف الشغل اقتضت اننا نشتغل ونتكلم مع بعض كتير ؟؟؟

لا مش ده الي انا بتكلم عنه .. أنا بتكلم عن حاجه تانيه

أنا مش بتكلم عن زماله احنا محطوطين فيها ، أنا بتكلم عن صحوبيه

وأقصد ايه بالصحوبيه ؟؟

هي ببساطه كده .. يعني أنا عندي 18 سنه وهي عندها 16 سنه

أنا عندي 20 سنه وهي عندها 17 سنه ، واحنا الحقيقه بنحب بعض جدا ، ومنقدرش نعيش من غير بعض

وهو الحقيقه أغلى حاجه في حياتي ، وأنا متخيلش الدنيا من غيره

واحنا ان شاء الله طبعا هنتجوز ، آه اكيد .. احنا منرضاش أبدا ان احنا نعمل العلاقه دي كده في الهوا

احنا عاوزين نتجوز ان شاء الله بعد عشر سنين كده

أما يبقا هو قادر ع الجواز وأبقا أنا قادره ع الجواز

هنتجوز ان شاء الله لما يكون هو جاهز واحنا ان شاء الله اتفقنا على كده

وأنا الحقيقه بعتبره هو كل حاجه في حياتي وهو بيعتبرني كل حاجه في حياته

واحنا بنتقابل بقا وعايشين حياتنا مع بعض ، أنا الحقيقه بعتبره زي ما يكون خطيبي بالظبط

ده كده يعني توصيف بسيط لحاجات كتيره أوي موجوده عند الشباب ، يا اما شباب وبنات مش عارفين يعملوها لكن بيتمنوها

طب العلاقه دي بتنشأ ازاي وفين ؟؟

هي الحقيقه أكتر مكان بتنشأ فيه الجامعه ، أو المدرسه أو الدروس الخصوصيه

يعني كلها الحمدلله في مجال العلم .. وده من الطرائف .. ان الحاجه الاساسيه الي بتنشأ فيها الصحوبيه هي المؤسسه التعليميه

طب وبتنشأ فين تاني ؟؟

في المصايف ، في المولات وفي النادي ، وبتنشأ بطريقه قديمه هي عباره عن التليفون اللي اتطور دلوقت وبقا الشات

ودي بقت طريقه سهله وبسيطه ومفيش عليها اي رقابه

طب هي الصحوبيه .. نشأت بقالها أد ايه ؟؟ يعني هل هي ظاهره طبيعيه أصليه ، ولا هي ظاهره جديده ؟؟

لاهي في الواقع ظاهره جديده نشأت في اخر 60 سنه بس

يعني في الاربعينيات مكانش في حاجه اسمها صحوبيه ، لان النسا مكانتش محتاجاها

طب هي الصحوبيه حلال ولا حرام ؟؟

يعني بعد المقدمه دي .. من الاخر كده .. الصحوبيه حلال ولا حرام ؟؟

لأ .. الصحوبيه حرام طبعا

طبعا حرام !! 

ليه طبعا حرام ؟؟؟

دي طبعا حرام .. بنص القرآن

هي الصحوبيه موجوده في القرآن ؟؟؟

آه موجوده في القرآن .. مرتين .. مره للستات ومره للرجاله



يتبع ........


12 Comments:

  1. Ramy said...
    أزيك
    أيه الغيبة دى كُلها

    كل سنة و انتى بخير

    و سنة سعيدة عليكى و على العائلة الكريمة

    و تحققى كُل امانيكى يااااارب

    ...........

    التعليق بقى (:

    شوفى دة كان احد اسبابى انى محبش قبل كدة

    أولا انى مش عاوز اخش فى علاقة و خلاص لأ لازم يكون فى النهاية لها نهاية منطقية يا جواز يا محصلش نصيب و نسيب بعض بأحترام برضه بدون تجريح

    أنما السن اللى انت بتكلمى فيه دة مش عارف يعنى الولد او البنت صدق دة يبقى كدة هو بيضحك على نفسة

    لأن انت ازاى هتفتح بيت و انت لسه حتى مخلصتش تعليمك و لا حتى بتشتغل و لا ووووووو

    حاجات كتير

    يتبع برضه (:
    الحــب الجميـــل said...
    رورو
    كل سنه وانتى طيبه يا قمر

    طبعا حرام وبالذات فى السن اللى انتى ذكرتيه دا
    لانها بتكون علاقة صحوبيه مؤقته ملهاش اى لازمه ولا داعى من اساسه

    ربنا يحفظ بناتنا وأولادنا يارب

    مبسوطه بيكى كتير وبطرحك لموضوع زى دا
    ربنا يحفظك يا حبى
    Butterfly said...
    مممم دى مشكله الشباب كلها بتقع فيها
    ربنا يهديهم ويهدينا
    eng_semsem said...
    المشكله الكبيره الاعلام اللي بيبين انا البنت او الولد الصح انهم يصاحبوا بينما اللي مش مصاحب او مصاحبه تبقى انطوائيه وتبقى هي الغلط مش الصح
    المصاحبه سلوك انتشر ويتم التنافس فيه بين البنات مع بعض والرجاله مع بعض
    تقبلي تحياتي
    momken said...
    انا مش هعلق علشان ماثرش على خط افكارك

    ومنتظر الباقى جدا



    ويتنج

    تحياتى
    Casper said...
    موضوع جيد ومحقة فيه تماما
    واسلوب عرض اكثر من رائع

    في انتظار المزيد من الابداعات
    ومنتظرين تكملة الموضوع

    تقبلي مروري

    Casper
    sweet angel said...
    ramy
    ---------

    الحمدلله

    شكرا جزيلا

    ماهي الناس الي بتفكر زي حضرتك كده
    بترتاح كتير في حياتها
    حتى لو كانت في الظاهر مش مرتاحه

    شكرا لمتابعتك
    sweet angel said...
    الحب الجميل
    -------------

    وانتي طيبه وبخير دايما يا ايمان

    بانتظار متابعتك
    sweet angel said...
    باتر فلاي

    ااااااااامين
    sweet angel said...
    سمسم
    -------

    والله حضرتك عندك حق
    وده الي هنقوله المرات الجايه
    سعيده جدا بمرورك
    sweet angel said...
    ممكن
    -------

    لا حضرتك اتفضل علق مفيش مشكله ولا تأثير ولا حاجه
    التعليق الي هيبقى محتاج مناقشه ورد باستفاضه هكتبله بوست لواحده

    شكرا لمتابعتك
    sweet angel said...
    كاسبر
    --------

    شكرا جزيلا لمرورك واثنائك على المدونه

    سعيده جدا بذلك

Post a Comment