">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

٩ يناير ٢٠١١

عايز أصاحب !!! (2)


 


السلام عليكم ورحمة الله وبركاته

نكمل في موضوعنا اللي فات

وقفنا المره اللي فاتت عند

الصحوبيه .. هي حلال ولا حرام ؟؟

وقولنا اه طبعا حرام بنص القرآن

هي الصحوبيه موجوده في القران ؟؟

اه الصحوبيه موجوده في القرآن

موجوده مرتين .. مره للستات ومره للرجاله

طب ليه حرام ؟؟ هي العاطفه دي مش ربنا خلقها فيا ؟؟ يعني هو انا الي حطيتها ف نفسي ؟؟

هو انا فايدي اتحكم في مشاعري؟؟ ليه يارب ..

يعني ليه الاسلام بيضغط علينا ف حاجه .. هي حاجه جميله جدا ؟؟ ليه الاسلام بيضغط علينا في الناحيه دي

هو انا مش عاوزة ابدأ بقال الله وقال الرسول فتبقى هي حرام .. وهو الصح اني اقول كده

انما انا بكلم الشباب .. فخلينا نتكلم بالراحه وبعدين في الاخر نقول قال الله وقال الرسول

تعالو نبدأ بايه ؟؟؟؟؟؟

تعالو نشوف الصحوبيه دي ايه أسبابها وايه دوافعها ؟؟

هنلاقي ان الاسباب هي كالآتي :

الحاجه للحنان والحب

التطور .. اه ماهي الدنيا بتتقدم وانا عاوز اواكب العصر

الضغوط والتفكك الاسري

الفراغ والتسليه

صعوبه الزواج .. فأعيش قصه حب لغايه ماجي اتجوز

ممكن للولد علشان يثبت رجولته .. يعني زي ماالاولاد التانيين عاملين وبردو للبنت انا مش معقده لان هيتقال عليا معقده لو مش صاحبت

حب الاستطلاع والرغبه في التجربه

الافلام والاعلانات كلها مليانه قصص حب

القدوة السيئه .. لما واحده تشوف اخوها مصاحب .. طب ليه حرام عليها ؟؟؟

في استطلاع رأي اتعمل على أحد المواقع من مده

في رأيك كشاب .. ماهي دوافع الصحوبيه ؟؟

دخل عليه 4045 شاب

وكانت النتيجه :

الفراغ وتسلية الوقت 32%

الحب 12%

الزواج 9%

الغرائز 38%

أخرى 8%


ونفس الموضوع للبنات

في رأيك كفتاه .. ماهي دوافع الصحوبيه ؟؟

وصوت عليه 4630 بنت

وكانت النتيجه  :

الفراغ وتسليه الوقت 33%

الزواج 22%

الحب 19%

الغرائز 11%

أخرى 12%

والمفجأه ان الجميع كان متوقع ان النسبه عند البنات في الزواج والحب تكون 99%

لكن طلع ان الفراغ وتسليه الوقت 33% ودي نسبه تخوف

آدي الاسباب .. آدي الدوافع .. وانا كلامي هيكون اكتر للبنات

شوفتي .. دوافعه غير دوافعك خالص .. شوفتي الفراغ كام والغريزه كام ؟؟؟

افتكري النسبه دي كويس وفكري فيها

طيب .. شوفنا الاسباب وشوفنا الدوافع

نرجع بقى .. ليه الصحوبيه حرام وليه ربنا قال انها حرام ؟؟

تعالو نشوف نتائج الصحوبيه

أقولكم نتائج الصحوبيه ايه ؟؟؟

تعالو نسأل نفسنا سؤال ...

اذا كان الدافع من الصحوبيه هو الزواج . كم % من قصص الحب بتنتهي بالزاوج ؟؟؟؟

جاوبو على السؤال ..

وهو ده الي هنقوله المره الجايه ان شاء الله علشان انا كده طولت عليكم اوي

ولغايه المره الجايه .. استودعكم الله الذي لاتضيع ودائعه

يتبع  ..................


ده لينك الجزء الاول للي مش تابع من الاول

7 Comments:

  1. Ramy said...
    و عليكم السلام

    (: أزيك

    رأيى هوا هوا بتاع البوست اللى فات
    جايدا العزيزي said...
    حبيبتى

    موضوع فى غايه الاهميه الصداقه مش حرام

    بس تكون فى حدود الدين والاخلاق

    الحقيق انا كنت عايزة اعلق على البوست الرئيسى

    بس واضح انك قفلتى التعليقات

    حقيقى بكيت

    يسلم احساسك

    وحشتينى بجد

    تحياتى
    Rosie said...
    بصى انا كنت داخلة أعلق على آخر حاجة بس شوفت العنوان حسيت مغنطيس بيشدنى برغم إنى مقرتش الجزء الأول..أنا ده بالظبط رأيي..و نفسى أكتب فى الموضوع من زمان..و أنا معترضة إنك بتكلمى البنات بس لأ و الولاد كمان لازم يتكلموا..بجد الموضوع بقى فى كل حتة و فى كل مكان..و أحب أعلق على حكاية معقدة دى و قصة التناقص الأزلى...عند الولاد..أما البنات لسه جايلهم..
    أولا الولد عايز يصاحب و يعمل كل حاجة سنين و سنين و لما يجى يتجوز مش عايز يسمع كلمة مصاحبة دى تانى..بجد منتهى التناقض و كمان دليل إنه عارف إن اللى بيعملوا ده غلط..
    أما البنات فأنا شايفة انهم كده بيرخصوا نفسهم بشكل غير طبيعى ..
    أنا مؤمنة بالحب و شايفة انه مشاعر جميلة و كل حاجة..بس ماحدش يقولى إنه هيصاحب عشان يحب...مش ده الطريق..لو عايز ربنا يبارك لك فى أى حاجة مينفعش تبداها بمعصية و تستغرب إنها بتنتهى نهاية وحشة..معلش طولت..بس انا الموضوع ده بيستفزنى و جوايا كلام كتير عليه..عايزة أقولك طريقتك فى مناقشة المواضيع دى هايلة.. ..
    sweet angel said...
    ramy
    --------

    الحمدلله احيا مش في سلام اوي
    بس احيا

    شكل حضرتك هيفضل رايك لمده 10 مواضيع ادام
    sweet angel said...
    جايدا العزيزي
    ---------------

    انا مش بتكلم عن الصداقه
    انا بتكلم عن الصحوبيه

    منورة في اي مكان
    sweet angel said...
    روزي
    -------
    انا بكلم الاتنين
    بس اكتر كلامي للبنات لانهم بيتجرحو اكتر

    كلامك جميل
    ربنا يبارك فيكي
    باحث عن حب said...
    جميل الموضوع
    فى موضوع زمان قراته على اسلام اون لين اسمه
    عاوز انحرف
    نفسى الموضوع
    بس انتى عارضاه
    بشكل
    اجمل
    بارك الله فيكى

Post a Comment