">
">
٢٦ فبراير ٢٠١١
السلام عليكم ورحمة الله وبركاته
نكمل في موضوعنا اللي فات
وقفنا المره اللي فاتت عند
الصحوبيه .. هي حلال ولا حرام ؟؟
وقولنا اه طبعا حرام بنص القرآن
هي الصحوبيه موجوده في القران ؟؟
اه الصحوبيه موجوده في القرآن
موجوده مرتين .. مره للستات ومره للرجاله
طب ليه حرام ؟؟ هي العاطفه دي مش ربنا خلقها فيا ؟؟ يعني هو انا الي حطيتها ف نفسي ؟؟
هو انا فايدي اتحكم في مشاعري؟؟ ليه يارب ..
يعني ليه الاسلام بيضغط علينا ف حاجه .. هي حاجه جميله جدا ؟؟ ليه الاسلام بيضغط علينا في الناحيه دي
هو انا مش عاوزة ابدأ بقال الله وقال الرسول فتبقى هي حرام .. وهو الصح اني اقول كده
انما انا بكلم الشباب .. فخلينا نتكلم بالراحه وبعدين في الاخر نقول قال الله وقال الرسول
تعالو نبدأ بايه ؟؟؟؟؟؟
تعالو نشوف الصحوبيه دي ايه أسبابها وايه دوافعها ؟؟
هنلاقي ان الاسباب هي كالآتي :
الحاجه للحنان والحب
التطور .. اه ماهي الدنيا بتتقدم وانا عاوز اواكب العصر
الضغوط والتفكك الاسري
الفراغ والتسليه
صعوبه الزواج .. فأعيش قصه حب لغايه ماجي اتجوز
ممكن للولد علشان يثبت رجولته .. يعني زي ماالاولاد التانيين عاملين وبردو للبنت انا مش معقده لان هيتقال عليا معقده لو مش صاحبت
حب الاستطلاع والرغبه في التجربه
الافلام والاعلانات كلها مليانه قصص حب
القدوة السيئه .. لما واحده تشوف اخوها مصاحب .. طب ليه حرام عليها ؟؟؟
في استطلاع رأي اتعمل على أحد المواقع من مده
في رأيك كشاب .. ماهي دوافع الصحوبيه ؟؟
دخل عليه 4045 شاب
وكانت النتيجه :
الفراغ وتسلية الوقت 32%
الحب 12%
الزواج 9%
الغرائز 38%
أخرى 8%
ونفس الموضوع للبنات
في رأيك كفتاه .. ماهي دوافع الصحوبيه ؟؟
وصوت عليه 4630 بنت
وكانت النتيجه :
الفراغ وتسليه الوقت 33%
الزواج 22%
الحب 19%
الغرائز 11%
أخرى 12%
والمفجأه ان الجميع كان متوقع ان النسبه عند البنات في الزواج والحب تكون 99%
لكن طلع ان الفراغ وتسليه الوقت 33% ودي نسبه تخوف
آدي الاسباب .. آدي الدوافع .. وانا كلامي هيكون اكتر للبنات
شوفتي .. دوافعه غير دوافعك خالص .. شوفتي الفراغ كام والغريزه كام ؟؟؟
افتكري النسبه دي كويس وفكري فيها
طيب .. شوفنا الاسباب وشوفنا الدوافع
نرجع بقى .. ليه الصحوبيه حرام وليه ربنا قال انها حرام ؟؟
تعالو نشوف نتائج الصحوبيه
أقولكم نتائج الصحوبيه ايه ؟؟؟
تعالو نسأل نفسنا سؤال ...
اذا كان الدافع من الصحوبيه هو الزواج . كم % من قصص الحب بتنتهي بالزاوج ؟؟؟؟
جاوبو على السؤال ..
وهو ده الي هنقوله المره الجايه ان شاء الله علشان انا كده طولت عليكم اوي
ولغايه المره الجايه .. استودعكم الله الذي لاتضيع ودائعه
يتبع ..................
ده لينك الجزء الاول للي مش تابع من الاول
.jpg)
بس أنا عاوزه أوضح وجهة نظر ليا ف موضوع الإرتباط من أى نوع
كلنا متفقين على إن الصحوبيه حرام وهدر للكرامه
لكن الحب؟
أنا مع إن الشخص لو حب بنيه سليمه وحاطط في دماغه إن حبه ده رغبة إنهم يتجمعوا على شرع ربنا
مش عيب إنه يصرح بمشاعره
ومش عيب كمان إنه يكلم الإنسان اللى بيحبه ويطمن عليه
بس يفضل التعامل مابينهم على أساس الصداقه والإخوه لحد الإرتباط الرسمى أو إنهاء العلاقه لظروف خارجه عن الإراده
وبعدين رساله لكل أخت
الراجل اللى يرضيلك إنك تخرجى معاه وتتقابلوا وتتعدوا حدودكم ده لابيحبك ولا بيخاف عليكى
من حق الجميع إنه يختار ولكن أحسن إختيارك وأحسن عواقبه
والإختيار طبعا بيكون بشروط حددها الدين
وغير كده
معنديش كلام أقولهولكم بئا
هموت روحى يعنى
أسفه يا روروا لو كنت خرجت عن الموضوع
أو طولت
تحياتى حبيبتى
الحاجه للحنان والحب
التطور .. اه ماهي الدنيا بتتقدم وانا عاوز اواكب العصر
الضغوط والتفكك الاسري
الفراغ والتسليه
صعوبه الزواج .. فأعيش قصه حب لغايه ماجي اتجوز
--------------
البنات بقى فلوس مظهر لبس وكل ما كان صاحبها شيك وابن ناس وامور كل ما كان احسن واحسن
------------------------
العاطفه والمشاعر حاجه مش بأدينا
وانا بقول ان الحب مرض ممكن يكون سئ جدا
وممكن يبقى جميل جدا لو اتكمل بالزواج
المشكله كله فى التطوير اللى بيصاحب العلاقه .. وعلشان كده بنقول الاختلاط حرام
تحياتى ومودتى لمدونتك الجميله
اول زياره ومش الاخيره