">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

5 أبريل، 2011

بعشقك + حمدالله على سلامتي



حمدالله على سلامتي أولا وقبل كل شىء ، بما اني من يوم خطوبتي وأنا منتظره العين هتيجي فايه بالظبط

الحمدلله جات فيا أنا والميكروباص دخل في العمود ومحدش اتعور الا أنا والسواق

الحمدلله جات سليمه وعدت للملاعب بعد أسبوع واحد من الحادثه والحمدلله أعاني من كدمات بسيطه

وشويه رضوض وكسر في عظمايه واحده وكام بقعه وارمه كده

المهم الحمدلله

أحلى حاجه في الموضوع ان كل الي شافو البوست الي فات فكروني فسخت الخطوبه

انما في الواقع أنا بس لما بتعب شويه بيصعب عليا نفسي وبكتئب

وبس

الى لقاء جديد



 بـــعــــشــــقــــك

علشان هواك بقى عندى اغلى من الحياة



لو قلت اه بقــــــــــــول بدالك الــــــف اه


وكأنك انت فى دنيــتى طــــــــوق النجاة


وان قلت ابعد اخاف لبـــــــــعدى يكسرك

 بـــعــــشــــقــــك


نفسى تعرف قبل مـــــــــــــــا الايام تفوت


اني عشت العمر لــــــــيك من غير شروط


وان خيرونى أعيـــــــــش معاك ولا اموت


مبقتش اخاف من الموت وخايف اخسرك

 بـــعــــشــــقــــك


الحيـــــــاة والدنيــــــــا بعـــــدك تســـــوى ايه


لو مكنـــــتــــش جنب منى اعيشـــــــــــها ليه


ده انــــــت لو طــــــــــــــولت بــــــــــــــــعدك


مش هـعــيش فى الدنــيــــــا بعـــــــــــــــــدك


مهما تعـــمل فيـــا برضه انـــــــــا روحى فيك
وان بعدت انا برضـــــه هاجــــــى اسال عليك


بعنى مهما حصلى منك مستحيل تبعدنى عنك
 بـــعــــشــــقــــك


ازاى بقيت بعشق معاك حتى الاهات


مبقتش امل من انتظارك بالسـاعات


واما بشوفك العتاب يصـــبح سكات


وانسى امـــا تيجى اسالك ايه اخرك

 بـــعــــشــــقــــك

مش مــــــهم تــكون قريــب او بــعـــيد


ده انت حـــــبك كـــــل يوم عــمال يزيد


وانت عــــارف انى مش هنـــساك اكيد


وانت ان نسيتنى انا اللى هاجى افكرك

 بـــعــــشــــقــــك

10 Comments:

  1. الحــب الجميـــل said...
    حمد لله ع سلامتك يا قمرايه
    ان شاء الله تكونى احسن وبخير
    AHMED SAMIR said...
    الف سلامة
    قدر و لطف
    الشاعر الفنان أحمد فتحى فؤاد said...
    حمدا لله علي سلامتك

    ماتشوفي أبدا شر

    و تسعدي بالخطوبة و الزواج و الخلف الصالح بإذن الله

    نحياتي لك
    Ms Venus said...
    الف بعد الشر عليكى يا جميلة

    وحمدلله على سلامتك

    ربنا يحميكى ويوفقك دايما
    mrmr said...
    الف حمد الله بالسلامه
    يارب تكونى دلوقتى بخير وافضل حال
    sweet angel said...
    الحب الجميل
    -------------
    ربنا يسلمك من كل شر يارب
    sweet angel said...
    احمد سمير
    ----------
    الله يسلمك
    شكرا جزيلا
    sweet angel said...
    الشاعر الفنان
    -----------------
    ربنا يسلمك من كل سوء يارب
    شكرا جزيلا
    اااااامين
    sweet angel said...
    مس فينوس
    -------------
    ربنا يسلمك
    شكرا لمرورك
    sweet angel said...
    مرمر
    --------
    الحمدلله كله تمام
    شكرا لمرورك

Post a Comment