">

">

ايه رأيك في مدونتي ؟؟ علشان تعرفو أنا أد ايه متواضعه !!

ايه رأيك في مدونتي .."علشان تعرفو أنا أد ايه متواضعه"


هنا يكف قلمي عن النزيف .. هنا يتجدد جرح جديد .. ليبقى جرح حاول الكثير منا كتمه .. لكنه أعلن الانهيار .. وفاض على دنيا المحال .. كان الأمل في تلك القافلة الراحله .. وقد ذهب .. وترك بقايا رماد انسان انتهى به الزمن .. فكلها في النهايه آلام تسكن دواخلنا تلتحفنا تارة ونلتحفها تارة .. ندفنها في لحد وندفن معها .. ولكن الألم يولد في القلوب الوفيه .. ويموت في قلوب الخائنين .. وهذه هي الحياة .. فصول قد تبدأ بفرح .. وتنتهي بألم .. ولكن هناك أشخاص .. كل فصولهم ألم .. معادلة سهلة الحل .. صعبة النتيجه ..

لـــظــــــروف خـــارجــــه عن ارادتــــي التعليقـــــــــات بـــــقــت فــــــووووووووووووق

18 أبريل، 2011

حضرتك .. أصل احنا مخطوبين



السلام عليكم ورحمة الله وبركاته

في حالة ركود غريبه في المدونات وسمعت امبارح انها نتيجة هجر المدونين لمدوناتهم وانتقالهم للفيس بوك وأنا بصراحه مليش فيه نهائي


ندخل في الموضوع


أنا كنت بدأت في جدد حياتك بالصحوبيه في موضوع أنا عايز أصاحب

ولأن وقت عرضه كان غير مناسب بالمره فمش لاقى متابعه جيده

علشان كده قررت اوقفه وأبدأ في حاجه جديده

هنعدي مرحلة الصحوبيه والزواج العرفي ومواصفات اختيار شريك الحياه

وندخل في موضوع الخطوبه وان شاء الله هنبقى نرجعلهم بعدين



بسم الله نبدأ





هنتناقش عن الخطوبه ..

تعالو نشوف هنناقش ايه ؟؟

1- الانفتاح والانغلاق بين الخطيب وخطيبته

2 - هدف الخطوبه

3 - مدة الخطوبه

4 - تقيمي ايه وتقيم ايه في الطرف الاخر علشان تطمئن ان اختيارك صح

5 - أهميه المصارحه وخطورة اخفاء المعلومات الاساسيه

6 - أخطاء وذنوب الماضي نتعامل معاها ازاي

7 - لو البنت اكتشفت عيب قاتل في العريس تعمل ايه وتخبر أهلها ولا لا وامتى ؟؟

8 - لو أمرها تطيعه ؟ ولا لسه مش في المرحله دي ؟؟


هي دي النقط الي هنناقشها


يلا نبدأ وربنا يسهل ..


أول حاجه .. الانفتاح والانغلاق بين الخطيب وخطيبته .. يعني العلاقه بينهم تبقى ازاي؟؟


علشان نوضح النقطه دي هضرب ليكم مثالين

أول نموذج : علاقه منفتحه متسيبه على الاخر كله عادي من أول مسكة الايد وانت طالع وعادي وياخدها ويسافر بيها ويسهرو لنص الليل وبابا موافق وماما موافقه وعادي جدا الدنيا ماشيه زي الفل .. ده شكل

النموذج التاني : انت تشوفها 3 مرات بس . ومتقعدش معاها لواحدكم انت تقعد وسطنا ومفيش يكلمها وتكلمه لأ هو قاعد وكلهم بيسألوه والراجل ياعيني يبقى قاعد منكمش وبيجاوب واياااااك تضحك في وشها ولا يوجهلها كلام .. وخلاص بقى انت مش شوفتها ويلا روح اتجوز وانتهى الموضوع على كده

وبين الانفتاح والانغلاق والشكلين المتناقضين اللي أنا قولتهم دول

وعلشان نجاوب على الكلام ده .. محتاجين نقول .. هو ايه تعريف الخطوبه في الاسلام ؟؟

يعني ايه خطوبه ؟؟

عارفين تعريف الخطوبه في الاسلام ايه ؟؟ " وعد بالزواج "

وعد .. والوعد ده ممكن نرجع فيه .. ومفيش وراه أي التزامات على فكره من أي نوع

فلازم الناس تبقى فاهمه كده .. ولازم الاباء والامهات يفهمو كده

طيب تعالو ندخل على النقطه التانيه .. هو ايه هدف الخطوبه ؟؟

العلماء وديننا عرفو هدف الخطوبه على التفاهم العقلي والارتياح النفسي

طيب .. ايه الي خلانا نجيب الحته دي واحنا بنتكلم عن العلاقات المنفتحه في الخطوبه واللي بتتطور والعياذ بالله وممكن توصل للزنا ؟؟

يا شباب يا بنات ياللي بتنفتحو في الخطوبه هذا الانفتاح الخطير يا آباء يا أمهات هدف الخطوبه ارتياح نفسي والنقطه التانيه تفاهم عقلي

يبقى الموضوع ايه .. لو الغرائز دخلت .. لا هيحصل تفاهم عقلي ولا هيحصل ادراك من عقل الأخر ويفهم التاني عاوز ايه .. ولا النفس هتطمئن وتسكن ان النفس التانيه دي مناسبه ليها

علشان كده الاسلام قال ان خطيبتك دي أجنبيه بالنسبه لك زيها زي غيرها وكل المطلوب في الفتره دي ان يحصل التفاهم

يبقى ايه المطلوب في الفتره دي ؟؟ المطلوب انكم تفهمو بعض .. بس

يعني لو انطلقتو في العلاقه . أنا عاوز امسك ايدها وأقبلها ونسافر سوا ونجهز شقتنا سوا فنبقى فيها لواحدنا

مش هيحصل الهدف يا جماعه

ربنا خلى الزواج في الاسلام يتم على مراحل .. المرحله الاولى يتقدم .. التانيه يخطب .. التالته يكتب كتابه .. الرابعه يتجوزو

كأن التدرج ده هدفه ايه .. واحده واحده .. علشان يحصل التفاهم الشديد في النهايه


انااااا طولت جداااااااااااا

نكمل المره الجايه ان شاء الله

يتبع ..........





20 Comments:

  1. Timo.. said...
    اول حاجة تحية كبيرة عشان مش بتحب الفيس بوك :) :D
    ثانيا انت عرض الموضوع بطريقة شيقة جدا ولو اني كنت اتمنى انه يطول عن كده لانه موضوع مهم جدااا.. (';')
    الشاعر الفنان أحمد فتحى فؤاد said...
    موضوع جميل
    و مهم جدا

    في انتظار الباقي

    سلمت يداك

    تحياتي
    Casper said...
    بوست جميل وله مغزى وهدف رائع

    تعليقا على البوست
    أرى أن أي شاب خاطب لازم يتقي الله في خطيبته ويعرف أنها في يوم من الأيام هتكون زوجته وأم لأولاده ولو لم يحدث النصيب ميجيش واحد بعده يعرف انها كانت كل يوم رايحة جاية مع خطيبها السابق فيرفض الموضوع من البداية

    بوست ممتاز
    خالص تقديري

    Casper
    همسات وبحــ الحياه ــر said...
    صباااااااااااحك سكر ذياده

    علفكره انا كنت هنا والله الصبح
    وقريت الموضوع ومشيت من غير مااعلق

    بس انت سبقتينى وزرتينى الاول ,,^^
    همسات وبحــ الحياه ــر said...
    انت ضحكتى عليا هو انت لسه قولتى حاجة

    وبعدين الموضوع جه فى وقته
    بينى وبينك ماشى ههههه

    دعواتك بقى
    ومستنية باقى الموضوع
    همسات وبحــ الحياه ــر said...
    أزال المؤلف هذا التعليق.
    غير معرف said...
    مممممممممممممممم


    طيب ربنا يسعدك


    ب خدي بالك من نفسك
    تامر نبيل موسى said...
    بوست اكثر من رائع

    تسلمى علية

    والخطوبة للتعارف والاطمئنان لراحة النفوس لبعضها

    وممكن الشاب يروح لبيت خطيبتة ويجلس معها عادى ويكلم معها


    مع خالص تحياتى
    محمد المصرى said...
    أولا ازيك يارب تكونى بخير
    ثانيا الفيس بوك بحره واسع جدا بعكس المدونات اللى مجالها ضيق جدا لذلك انسحب كتير منها
    ثالثا حقيقى موضوع ممتاز موضوع الخطوبة ده وجميل انك بتنشرى الوعى الاسلامى الجميل فى الخطوبة
    بوست رائع وربنا يوفقك
    وجع البنفسج said...
    اولا بالنسبة للفيس بوك فهو كباقي المواقع له ايجابيات وسلبيات ويعتمد على طريقة استخدامه ..
    ثانيا بالنسبة للخطوبة .. فهي من أروع فترات التعارف والزواج لانها تحتوى على كمية كبيرة من الرومانسية ..
    ثالثا يسعدني مروري هنا ..
    Rosie said...
    أولا ألف سلامة عليكى و معلش انها متاخرة...ثانيا ما تطولتيش خالص أنا كنت مستمتعة و مستنية كمان..ثالثا أنا عايزة أشكر الخطوبة اللى خلتك تكتبى عليها ..
    آه و عندك حق الفيس فعلا خد من المدونات كتيييير مع إنها فى إمكانيات أكتر و انا اوافق بشدة على موضوع حالة الركود دى..السوق ناااايم خالص..ههه
    عاجبنى اوى الكلام كمضمون و كأسلوب..عايزة أسألك انت جايبة كلام من كتب معينة؟..
    و أنا عايزة أقول حاجة على موضوع الخطوبة النموذجين اللى عرضيتهم مرفوضين بس فى حاجة مهمة كمان..مش بس الأهل اللى مطلوب منهم يخلوا بالهم و يقولوا ده ينفع و ده لأ..كمان البنت و الولد لازم يخلوا بالهم و يبقى ضميرهم كااافى جدا..يعنى متبفاش بتزعل أوى لو شعرها بان فى الشارع و تقول على خطيبها عااادى بس ده كان ميمنعش أنهم يقعودا مع بعض عشان يتعرفوا على بعض من غير ما الأهل يخنوقوا عليهم..فى الآخر هو الموضوع عبارة عن توازن...و خوف من الغلط..ضمير يعنى
    sweet angel said...
    timo
    -------
    ما هو لسه كذا جزء
    شكرا لمرورك
    sweet angel said...
    الشاعر الفنان
    ----------------

    شكرا جزيلا لمتابعتك
    دايما منور
    sweet angel said...
    كاسبر
    -------
    شكرا لمرورك
    رأيك ممتاز
    sweet angel said...
    همسات وبحر الحياه
    ------------------

    معلش بقى
    علشان مش تبقى تمشي من غير ما تعلقي تاني

    منورة
    sweet angel said...
    غير معرف
    -----------

    حااااااااضر يا بابا
    sweet angel said...
    تامر نبيل
    -------------

    صح كلامك
    شكرا لمرورك
    sweet angel said...
    محمد المصري
    -----------
    اولا الفيس بوك اكيد فيه حاجات كويسه
    ثانيا
    شكرا لمرورك
    منور مدونتي
    sweet angel said...
    وجع البنفسج
    --------------

    انا أسعد بمرورك
    sweet angel said...
    روزي
    ----------
    ربنا يسلمك من كل شر يارب
    هكمل البوست الجاي ان شاء الله
    ربنا يهدي الجميع هي فعلا مسأله ضمير

    منورة

Post a Comment